Embrio: Verskil tussen weergawes

 

’n '''Embrio''' is ’n vroeë stadium in die ontwikkeling van ’n meersellige, [[Ploïdie|diploïede]], [[Eukariote|eukariotiese]] [[organisme]]. In organismes wat [[Voortplanting|seksueel voortplant]], ontwikkel ’n embrio gewoonlik uit ’n [[sigoot]], die enkele [[sel]] wat die gevolg is van die [[bevrugting]] van die vroulike [[Eier (biologie)|eiersel]] deur die manlike [[sperm]]sel. By [[plant]]e, [[dier]]e en sommige [[protis]]te sal die sigoot begin verdeel deur [[mitose]] om ’n meersellige organisme voort te bring.

In [[dierkunde]] loop die ontwikkeling van die sigoot tot ’n embrio deur spesifieke, herkenbare stadiums van ’n [[blastula]], [[gastrula]] en [[organogenese]]. In die blastulastadium is daar gewoonlik ’n vloeistofgevulde holte, die [[blastoseel]], wat omring is deur ’n sfeer of plaat van selle, wat ook die blastomeer genoem word.

 

 

Tydens [[gastrulasie]] ondergaan die selle van die blastula ’n gekoördineerde proses van selverdeling en/of migrasie om twee (diploblastiese) of drie (triploblastiese) [[kiemlae]] te vorm. As daar drie lae is, word dit die [[endoderm]], [[ektoderm]] en [[mesoderm]] genoem. Die posisie en rangskikking van die kiemlae hang streng van die spesie af en wissel na gelang van die soort embrio wat gevorm word.