Kuruman: Verskil tussen weergawes

}}

 

 

'''Kuruman''' is 'n voormalige Engelse sendingstasie en die grootste dorp in die [[Ga-Segonyana Plaaslike Munisipaliteit|Ga-Segonyana munisipaliteit]] van die [[John Taolo Gaetsewe-distriksmunisipaliteit]] (provinsie [[Noord-Kaap]]). Die bevolking in 2011 was 13&nbsp;057 mense. Die dorp is 1&nbsp;131 meter bo [[seevlak]] op die Ghaap-plato en langs die [[N14 (Suid-Afrika)|N14]] nasionale pad tussen [[Johannesburg]] en [[Upington]] geleë. Dit is vernoem na Khudumaan, 'n 18de eeuse Boesmanleier wat in die omgewing sy heilige plek ingerig het. <ref name="Claassen">{{cite book|last=Claassen|first=Isabel|title=Kuruman 1887-1987: Suid-Afrikaanse Panorama|date=November 1987|page=volume 32, p 13-17}}</ref>

== Geskiedenis ==

Die gebied van Kuruman was oorspronklik die hoofsetel van die sogenaamde Woestynboesmans wat hier oor 'n tydperk van 12&nbsp;000 jaar gewoon het. Die dorpsnaam is volgens 'n ou Tswana-legende afgelei van Khudumaan, 'n leier van die Boesmans. Na bewering het hy sy heilige plek in die klein bakkrans, waar die tweelingkoppe Gamohaan en Khudumaan in die noorde van die Kurumanheuwels bymekaarkom, ingerig.

Die eerste blanke, wat hom omstreeks 1800 in die gebied gevestig het, was die sendeling Johan Kok van die Suid-Afrikaanse Sendinggenootskap. Hy is agt jaar later deur Tswanas in die Kurumanheuwels vermoor sodat die poging om 'n permanente sendingstasie te vestig voorlopig gestaak is.