Mark Brandenburg: Verskil tussen weergawes

Twee stigtingsdatums word in historiese kronieke genoem. Die stigting van die bisdom Brandenburg deur Otto I in 948 het die weg gebaan vir die vestiging van [[Duits]]sprekende nedersettings en markdorpe in die voorheen [[Slawiërs|Slawiese]] gebied. Op 11 Junie 1157 het die Askaniër-vors [[Albrecht I von Brandenburg|Albrecht I]] homself tot markgraaf van Brandenburg verklaar. Met die kroning van keurvors Frederik III in [[Koningsberg]] as "Frederik I, koning in Pruise" in 1701 is die Pruisiese monargie as nuwe Europese moondheid gevestig. Die oorspronklike markgraafskap se status is sodoende afgeskaal tot dié van 'n provinsie van Pruise, al is dit formeel eers in 1815 gestig.<ref>[http://www.brandenburg.de/de/geschichte/bb1.c.475256.de ''www.brandenburg.de: Brandenburg - über tausend Jahre Geschichte. Besoek op 16 Mei 2017'']</ref>

 

Die Mark Brandenburg het die grootste deel van die huidige [[Duitsland|Duitse]] [[deelstaat]] [[Brandenburg]], [[Berlyn]], die streek Altmark wes van die Elberivier in die noorde van [[Sakse-Anhalt]] en die landskap Neumark met Sternberg en Westernberg ingesluit. Die laasgenoemde gebied oos van die [[Oder|Oderrivier]] maak tans grotendeels deel uit van die [[Pole|Poolse]] [[woiwodskap]] Lebus, terwyl kleiner dele by die woiwodskap [[Woiwodskap Wes-Pommere|Wes-Pommere]] ingesluit is.