Millau-brug: Verskil tussen weergawes

== Ligging ==

Voordat die brug gebou is was die verkeer genoodsaak om in die Tarnriviervallei af te daal en met die ''route nationale N9'' naby die dorp Millau langs te ry met gevolglike ernstige verkeersopeenhopings aan die begin van die Julie en Augustus vakansieseisoen. Die brug oorspan nou die Tarnvallei op sy diepste punt en verbind die ''causse du Larzac'' met die ''causse rouge'' en is binne die grens van die [[Grands Causses]] natuurreservaat.

Die Millau-brug se koördinate is 44.077165 Noord en 3.022887 Oos.

 

Die brug vorm die laaste skakel op die [[A75 autoroute|A75]] (''la Méridienne'') [[autoroute]], en verskaf 'n deurlopende snelweg vanaf die suide van [[Parys]] deur [[Clermont-Ferrand]] tot by [[Béziers]]. Die doel van die A75 is om die spoed van die verkeer te verhoog en die koste van voertuigritte op die roete te verlaag. Baie toeriste wat die suide van Frankryk en [[Spanje]] besoek volg die roete omdat dit 'n direkte verbinding is sonder [[tolpad|tolpaaie]] (buiten vir die brug self) vir 340 [[kilometer|km]] tussen Clermont-Ferrand na Béziers.

Die [[Eiffage-groep]] bedryf die [[tolbrug]] met huidige tolgelde van [[euro|€]]4.90 vir ligte voertuie (€6.50 tydens die besige maande van Julie en Augustus). Die brug is deur die Eiffage-groep gebou, wat ook die Eiffeltoring gebou het, onder 'n regeringskontrak wat die maatskappy toelaat om vir 75 jaar lank tolgelde in te samel.