Peripatetiese skool: Verskil tussen weergawes

Die '''Peripatetici''' was lede van ‘n skool van filosofie in [[antieke Griekeland]]. Hulle leringe was geskoei op dié van hulle stigter, die Griekse filosoof [[Aristoteles]], en '''Peripateet''' is ‘n naam wat aan sy volgelinge gegee is. Die skool het oorspronklik sy naam ''Peripatos'' ontleen aan die ''peripatoi'' (''περίπατοι'' "kolonnades") van die Lykeion-gimnasium in [[Athene]] waar die lede vergader het. ‘n Soortgelyke Griekse woord ''peripatetikos'' (περιπατητικός) verwys na die loop-aksie, en as ‘n byvoeglike naamwoord word "peripateties" dikwels in die trant van swalkend, wandelend, meanderend of drentelend gebesig. Na Aristoteles se dood, het ‘n legende ontstaan dat hy ‘n "peripatetiese" dosent was – dat hy al lopende onderrig gegee het – en die benaming ''Peripatetikos'' sou die oorspronklike ''Peripatos'' vervang.