Saga: Verskil tussen weergawes

 

'''Sagas''' is stories oor hoofsaaklik die antieke [[Skandinawië|Nordiese]] en [[Germaanse volke|Germaanse]] geskiedenis, vroeë [[Wiking]]-reise, die gevegte tydens dié reise, die migrasie na [[Ysland]] en die vetes tussen Yslandse families. Hulle is hoofsaaklik in [[Oudnoors]] in Ysland geskryf.<ref>[http://www.merriam-webster.com/dictionary/saga ''Old Norse saga, class of heroic prose narratives'' (Merriam-Webster)]</ref>

Die term "saga" kom van [[Noors]] (''saga'', meervoud ''sögur'') en beteken "stelling" of "iets wat gesê is", asook "storie" of "geskiedenis". Dit is verwant aan die [[Afrikaans]]e woord "sage".

 

Yslandse sagas is geskoei op mondelinge tradisies en baie navorsing is gedoen oor wat werklik en wat fiksie is. Die akkuraatheid van die verhale word dikwels betwis. Die meeste van die manuskripte waarin die sagas voorkom, is in die 17de eeu na [[Denemarke]] en [[Swede]] geneem, maar later aan Ysland terugbesorg. Klassieke sagas is in die [[13de eeu]] geskryf. Geleerdes het eers geglo hulle is mondelings oorgedra van geslag tot geslag totdat skribas hulle in die 13de eeu neergeskryf het. Die meeste glo egter nou die sagas was bewuste kunstige skeppings wat op beide mondelinge en geskrewe tradisies geskoei is.