Verdamping: Verskil tussen weergawes

 

'''Verdamping''' is 'n proses waarin 'n [[vloeistof]] in 'n [[gas]] of damp verander. Al die deeltjies van 'n stof is gedurig in 'n staat van beweging. Die [[intermolekulêre kragte]] hou die [[molekuul|molekule]] van die vloeistof bymekaar. Die molekule beskik egter oor [[kinetiese energie]] wat hulle aan die beweeg hou. [[Temperatuur]] is 'n maatstaf van die gemiddelde kinetiese energie van die molekule. Die molekule beweeg nie almal ewe vinnig nie, daarom word daar van 'n "gemiddelde kinetiese energie" gepraat. Sommige molekule beweeg vinniger as die gemiddeld, terwyl ander weer stadiger beweeg. Dit is die molekule wat vinniger beweeg wat sal verdamp.