Handwoordeboek van die Afrikaanse Taal: Verskil tussen weergawes

Die '''Handwoordeboek van die Afrikaanse Taal''' ('''HAT''') is die bekendste verklarende woordeboek van die [[Afrikaans]]e [[taal]]. Dit word oor die algemeen as gesaghebbend beskou. In teenstelling met die [[WAT]] is die HAT 'n verklarende Afrikaanse woordeboek in 'n enkele band, waarvan die sesde (huidige) uitgawe 1 632 bladsye beslaan. Die woordeboek word sedert 1965 gereeld hersien. Die sesde papieruitgawe van die ''HAT'' het in 2015 verskyn, 50 jaar ná die eerste uitgawe.

 

 

== Tweede uitgawe (1979) ==

In 1971 het Perskor [[F.F. Odendal|Francois F. Odendal]], professor in Afrikaanse en Nederlandse taalkunde aan die destydse [[Randse Afrikaanse Universiteit]] en voorsitter van die [[Suid-Afrikaanse Akademie vir Wetenskap en Kuns]] se [[Taalkommissie]], genader om die redakteurskap van die HAT oor te neem. In hierdie stadium het Odendal reeds enkele artikels oor die leksikografie laat verskyn. Hy het drie jaar ondervinding by die Vaktaalburo gehad en tien jaar as mederedakteur en assistenthoofredakteur van die WAT. Sy jare lange verbintenis (sedert 1962) met die Taalkommissie het hom met die praktyk van werk met woorde in voeling gehou.

 

 

== Vyfde uitgawe (2005) ==

In 2003 het Pearson die samestellers gevra om in 2004 ’n vyfde uitgawe te lewer. Beide redakteurs het afwysend gereageer: die tyd was te min. As realistieser teiken het Gouws 2005 voorgestel – ook om die publikasie van HAT5 met die veertigste viering van die eerste verskyning van die HAT (in 1965) te laat saamval.