Nemunas: Verskil tussen weergawes

 

== Rivierloop ==

Die Nemunas ontspring in Wit-Rusland in die Wit-Russiese Bergrug suidwes van die hoofstad [[Minsk]].

 

 

=== Wit-Rusland ===

Aangesien die rivier in 'n moerasgebied naby die huidige Wit-Russiese hoofstad Minsk ontspring, is dit nie moontlik om 'n spesifieke bron aan te wys nie. Die boloop vloei oor 'n afstand van enkele honderd kilometer met 'n maksimale wydte van nie meer as honderd meter en 'n diepte van enkele meter, aanvanklik in noord-westelike, daarna in suid-westelike en uiteindelik weer in noord-westelike rigting deur Wit-Rusland. Met yl bevolkte bos- en moerasgebiede aan weerskante het die sagvloeiende en kronkelende rivier sy eertydse ekonomiese betekenis as handelsroete lankal ingeboet, alhoewel dit nog 'n rol vir houtvlotters speel en daarnaas ook toeriste lok.

 

 

=== Litaue ===

Naby Hrodna loop die Nemunas digby die huidige Wit-Russiese grens met Pole en vorm daarna oor 'n kort afstand die grenslyn tussen Wit-Rusland en Litaue. [[Druskininkai]] is die eerste beduidende nedersetting op Litause gebied. Danksy die plaaslike mineraalbaddens het hierdie stad reeds in die Russiese Tsaretyd tot 'n gewilde badplaas en gesondheidsoord ontwikkel.

Verder rivieraf begin die Nemunas tot sowat sestig meter vernou en vloei tussen steil oewers. Net buite Kaunas, die tweede grootste stad van Litaue, het die rivierdam "Kaunas-meer" ontstaan. In Kaunas mond die Neris-rivier in die Nemunas uit, en die rivier bereik nou 'n wydte van tot by tweehonderd meter. Sandbanke maak navigasie nogtans moeilik.