Vlerkprofiel: Verskil tussen weergawes

'n Vlerkprofiel is die vorm van 'n [[vlerk (lugvaart)|vlerk]] of die lem van 'n [[skroef (stuwer)|skroef]] (soos die van 'n skip of vliegtuig) in deursnit beskou. Dit word aangewend om [[stukrag]] of [[drukkrag]] te verleen. Afhangende van die toepassing daarvan het vlerkprofiele vir subsoniese vlug 'n kenmerklike vorm met 'n geronde opstroomkant en skerp afstroomkant wat dikwels ook 'n [[welwing]] (ronding) insluit.

[[Beeld:Aerofoil.svg|center]]

 

Buiten die vlerke van 'n vliegtuig, het die horisontale en vertikale stabiliseerders van 'n vliegtuig ook 'n vlerkprofiel. Vlerkprofiele word ook in [[skroef (stuwer)|motorboot- en vliegtuigskroewe]], [[Waaier (apparaat)|Waaierlemme]], [[kompressor]]s en [[turbine]]s aangetref. [[Seil (skeepsvaart)|Seile]] vorm ook 'n vlerkprofiel en die onderwater vinne van seilbote werk op dieselfde beginsel as vlerkprofiele. Selfs in die natuur word vlerkprofiele aangetref by voëls se vlerke (waar die inspirasie waarskynlik vandaan gekom het).