Tour Montparnasse: Verskil tussen weergawes

[[Lêer:Top view of Paris from Eiffel Tower.jpg|duimnael|Die uitsig vanuit die Eiffeltoring, met die ''Champ de Mars'' (Marsveld) in die voorgrond, wys hoe onvanpas 'n toringgebou soos die ''Tour Montparnasse'' in die Paryse middestad is]]

'''Tour Montparnasse''' is die tweede hoogste [[wolkekrabber]] (naas die [[Tour First]]) in [[Frankryk]] - en die enigste in die stadsgebied van [[Parys]]. Die gebou is in 1972 voltooi en het 'n hoogte van 210 meter en 59 verdiepings. Die wolkekrabber is ontwerp en gebou tydens 'n periode van snelle groei en skaars kantoorruimte in Parys, maar was as 'n monolitiese toringgebou in 'n sentrale kwartier met histories lae gebouhoogtes van begin af omstrede. Vervolgens is die oprigting van nuwe toringgeboue met meer as sewe verdiepings vier dekades lank verbied en het kwartiere met wolkekrabbers derhalwe net buite die stadsgrens, so in [[La Défense]], ontstaan waar hulle nie die uitsig op die sentrale element van Parys se stadshorison, die [[Eiffeltoring]], kan belemmer nie.

 

In 2017 is besluit om die wolkekrabber van 'n volledig nuwe fasetryke glasfasade te voorsien - met die oog op die [[Olimpiese Somerspele 2024]] wat in Parys gehou sal word.<ref>[https://www.architecturaldigest.com/story/tour-montparnasse-nouvelle-aom-makeover-paris-most-hated-building ''Architectural Digest, 20 September 2017: Will This Makeover Improve the Reputation of Paris's Most Hated Building? Besoek op 3 Maart 2019'']</ref><ref>[http://www.nouvelle-aom.com/en/45-2/ ''nouvelle AOM. Besoek op 3 Maart 2019'']</ref>