Mogontiacum: Verskil tussen weergawes

Content deleted Content added
Voyageur (besprekings | bydraes)
kNo edit summary
Etiket: 2017-bronwysiging
Voyageur (besprekings | bydraes)
kNo edit summary
Etiket: 2017-bronwysiging
Lyn 2:
'''Mogontiacum''' (soms ook ''Moguntiacum'') is die [[Latyn]]se naam van die moderne [[Mainz]], die administratiewe hoofstad van die [[Duitsland|Duitse]] deelstaat [[Rynland-Palts]], afgelei van 'n Romeinse militêre kamp wat hier gevestig is.
 
Mogontiacum het as militêre buitepos en later as provinisiale hoofstad byna 500 jaar lank deel uitgemaak het van die [[Romeinse Ryk]]. Die Romeinse stad het sy oorsprong in 'n legioenkamp wat tussen 13 en 12 v.C. deur Drusus op 'n strategies geleë hoogplato oor die Ryn opgerig is. Hierdie kamp was veral vanweë sy ligging strategies belangrik - geleë bo-oor die [[Ryn]] (Latyns: ''Rhenus'') se regteroewer, maar ook teenoor die [[Main]] (''Moenus'') se rivierloop en bowendien nie ver van die Romeinse Rynvallei-grootpad nie.
[[Lêer:Roemerschiff1.jpg|duimnael|links|'n ''Navis lusoria'', 'n laat-antieke Romeinse roeiboot met plek vir dertig roeiers<br /><small>Museum vir Antieke Skeepvaart, Mainz</small>]]
As Romeinse grens- en buitepos naby die wilde, onverowerde Germanië was dit 'n maklike uitgangspunt vir militêre operasies op die Ryn se regteroewer asook bootpatrollies op die Mainrivier. Die stigting van die Romeinse militêre kamp word tegelykertyd as stigtingsdatum vir die stad Mainz beskou. Benede die kamp het vinnig 'n burgerlike nedersetting, die sogenaamde ''cannabae'', ontstaan waar Keltiese inwoners hulle as handelaars en ambagsmanne in diens van die Romeine gevestig het.<ref>[http://www.festung-mainz.de/geschichte/roemer.html ''Festung Mainz - Das "Bollwerk Deutschlands" 1620−1918. Besoek op 6 Maart 2019'']</ref>
Lyn 10:
Vanaf 90 n.C. was Mogontiacum die setel van 'n stadhouer asook die administratiewe sentrum van die Romeinse provinsie [[Germania Superior]]. Teen die middel van die 3de eeu was dit weer 'n grensstad wat in die volgende 150 jaar verskeie kere deur [[Germane|Germaanse]] stamme en [[Hunne]] aangeval en verwoes is. Ná die einde van die Romeinse periode omstreeks 450 het Mogontiacum ná 'n kortstondige oorgangsfase deel uitgemaak van die [[Frankiese Ryk]].
 
Beduidende oorblyfsels uit die Romeinse tydperk het in die moderne Mainz bewaar gebly, waaronder die [[Romeinse teater]], die Groot Jupiterkolom van Mainz, die Drusussteen en die Romeinestene en die oorblyfsels van die legioenkamp se akweduk. Belangrike argeologiese vondse uit die Romeinse periode word in die Romeins-Germaanse Sentraalmuseum, die ''Landesmuseum Mainz'' en die Museum vir Antieke Skeepvaart bewaar en vertoon - onder meer antieke Romeinse rivierbote wat volgens vondse, wat in 1981/82 gemaak is, gerekonstrueer is.
 
== Verwysings ==