Attaliede: Verskil tussen weergawes

4 464 grepe bygevoeg ,  3 jaar gelede
Klaar
(Nuwe artikel, nog besig)
 
(Klaar)
 
==Geskiedenis==
[[Beeld:Pergamon188BCE.jpg|thumb|Die ligging van Pergamum.]]
In 282&nbsp;v.C. het Filetairos gedros van Lusimachos en homself en die belangrike fort Pergamum, saam met sy tesourie, aan [[Seleukos I Nikator]], oorgegee. Seleukos het Lusimachos in 281&nbsp;v.C. verslaan en doodgemaak. Seleukos is self ’n paar maande later doodgemaak.<ref name="Strabo">[http://www.perseus.tufts.edu/hopper/text?doc=Strab.+13.4.1&redirect=true Strabo, Geography, 13.4.1]</ref> Filetairos het, veral ná Seleukos se dood, aansienlike outonomie geniet al het hy in naam onder die [[Seleukidiese Ryk|Seleukiede]] geval. Hy het sy mag en invloed tot buite Pargamum uitgebrei. Hy het troepe, geld en kos aan die stad Kizikos in [[Misië]] verskaf vir die stad se verdediging teen die invallende [[Gallië|Galliërs]], en so aansien en welwillendheid vir hom en sy familie gewen.<ref>Hansen, E. V., The Attalids of Pergamon, pp. 18-19</ref> Hy het 40 jaar lank regeer en die Tempel van [[Demeter]] op die [[akropolis]] gebou, asook die Tempel van [[Athena]] (Pergamum se beskermingsgodin) en die stad se eerste paleis. Hy het Pergamum ook verder versterk.<ref>Hansen, E. V., The Attalids of Pergamon, pp. 17-18</ref>
 
Eumenes I het Filetairos in 263&nbsp;v.C. opgevolg. Hy het teen die Seleukidiese koning in opstand gekom en hom in 261&nbsp;v.C. verslaan. Hy het Pergamum so bevry en sy grense aansienlik uitgebrei.
 
Die grootste prestasie van [[Attalos I]] (bewind 241-197&nbsp;v.C.) was volgens die Griekse reisiger en geograaf Pausanias sy oorwinning oor die Galliërs,<ref>[http://www.perseus.tufts.edu/hopper/text?doc=Paus.+1.8.1&redirect=true Pausanias, Description of Greece, 1.8.1]</ref> waarmee hy bedoel het die [[Galasiërs]], [[Kelte]] wat na Sentraal-Asië migreer en ’n groot militêre mag geword het. Verskeie jare later het die Galasiërs Pergamum aangeval met die hulp van Antiochos Hierax, die broer van die Seleukidiese koning wat teen die koning in opstand gekom het. Hy wou [[Anatolië]] oorneem en dit sy onafhanklike koninkryk maak. Attalos het die Galasiërs en Antiochos verslaan en daarna twee keer teen Antiochos alleen geveg. Attalos het ’n groot oorwinning behaal en Antiochos is daarna na [[Mesopotamië]] om ’n veldtog daar te begin.<ref>Hansen, E. V., The Attalids of Pergamon, pp. 34-35</ref>
 
Die Attaliede het bondgenote van [[Rome]] geword tydens die Eerste Masedoniese Oorlog van 214-205&nbsp;v.C.<ref>Livy, The History of Rome, 26.24</ref><ref>Hansen, E. V., The Attalids of Pergamon, p. 47</ref> en het Rome in daaropvolgende oorloë ook ondersteun. Attalus I het ook hulp verskaf tydens die Tweede Masedoniese Oorlog van 200-197&nbsp;v.C.<ref>[http://www.perseus.tufts.edu/hopper/text?doc=Paus.+10.15.3&redirect=true Pausanias, Description of Greece, 10.15.3]</ref><ref>Hansen, E. V., The Attalids of Pergamon, p. 57</ref>
 
[[Eumenes II]] (bewind 197-159&nbsp;v.C.)<ref>[http://www.livius.org/articles/person/eumenes-ii-soter/? Attalus, Eumenes II Soter]</ref> het Rome ondersteun in die Rooms-Seleukidiese Oorlog (192-188&nbsp;v.C.)<ref>[http://www.livius.org/sources/content/appian/appian-the-syrian-wars/appian-the-syrian-wars-7/ Appian, The syrian Wars, 31]</ref><ref>Livy, The History of Rome, Books 33-35</ref> en die Derde Masedoniese Oorlog (171-168&nbsp;v.C.).<ref>Livy, Periochae, 42.3; The History of Rome, Books 42-45</ref> In 188&nbsp;v.C., ná die oorlog teen die Seleukiede, het die Romeine beslag gelê op gebiede in Klein-Asië, en hulle het Misië, [[Lidië]], [[Frigië]] en [[Pamfilië]] aan die koninkryk Pergamum gegee, en [[Karië]], [[Lisië]] en [[Pisidië]] aan [[Rhodes]], ’n ander Romeinse bondgenoot. Later het die Romeine Rhodes se besittings ook aan Pergamum gegee.
 
[[Attalus II]] het in 190&nbsp;v.C. deelgeneem aan die finale oorwinning van Rome oor die Seleukiede. In 182-179&nbsp;v.C. was hy in ’n oorlog gewikkel met die koning van [[Pontos]] en het hy verskeie oorwinnings behaal en grondgebied bygekry. Hy het sy koninkryk aansienlik uitgebrei en die stede Philadelphia en Attalia gestig.
 
Die laaste Attalidiese koning, [[Attalus III]], is sonder kinders dood en het sy koninkryk in 133&nbsp;v.C. aan die [[Romeinse Republiek]] bemaak.<ref>Shipley, ''The Greek World After Alexander, 323–30 B.C.'', pp. 318–319.</ref> Dit het die [[Asia (Romeinse provinsie)|Romeinse provinsie Asia]] geword.
 
==Konings van Pergamum==
*Filetairos (282-263&nbsp;v.C.)
*Eumenes I (263-241&nbsp;v.C.)
*Attalos I Soter (241-197&nbsp;v.C.)
*Eumenes II (197-159&nbsp;v.C.)
*Attalos II Filadelfos (160-138&nbsp;v.C.)
*Attalos III (138-133&nbsp;v.C.)
 
== Verwysings ==
{{Verwysings|3}}
 
==Bibliografie==
*Allen, R.E., ''The Attalid kingdom, a constitutional history'', Oxford University Press, 1983; {{ISBN|978-0198148456}}
*Austin, M.M., ''The Hellenistic World from Alexander to the Roman Conquest:A Selection of Ancient Sources in Translation'', "The Attalids of Pergamum", Cambridge University Press, 2006; {{ISBN|978-0521535618}}
*Dignas B., "Rituals and the Construction of Identity in Attalid Pergamon" in Dignas B, Smith RRR, (reds.), ''Historical and religious memory in the ancient world'', Oxford University Press, 2012; {{ISBN|978-0199572069}}
*Hansen, E.V., The Attalids of Pergamon (Study in Classical Philology). Cornell University Press, 2de hersiene uitg., 1972; {{ISBN|978-0801406157}}. ASIN: B000MRG0T6
*Kosmetatou, E., "The Attalids of Pergamon", in Erskine, A., A Companion to the Hellenistic World, Blackwell, 2005; {{ISBN|978-1405132787}}
*Welles, C.B., (red.), ''Royal correspondence in the Hellenistic period: A study in Greek epigraphy'', Ares Publishers Inc., U.S., 1974; {{ISBN|978-0890050194}}
*Shipley (2000). ''The Greek World After Alexander, 323-30 B.C.''(The Routledge History of the Ancient World), Routledge, 1ste uitg., 1999; ASIN: B017PNSW7M
 
==Eksterne skakels==