Ghemara: Verskil tussen weergawes

Content deleted Content added
Nuwe artikel
(Geen verskil)

Wysiging soos op 22:00, 16 Maart 2019

Die Ghemara (Hebreeus: גמרא; afgelei van die Aramese werkwoord גמרא, ghamar, letterlik: "leer" of "studie") is die gedeelte van die Talmoed wat Rabbynse ontleding van en kommentaar op die Misjna bevat. Nadat die Misjna deur Jehoeda Hanassi (ca. 200 n.C.) saamgestel is, is die werk deur generasies oor generasies van Rabbyne in Babilonië en die Land Israel omvattend bestudeer. Hul gesprekke is neergeskryf in 'n reeks van boeke wat later die Ghemara geword het, wat in kombinasie met die Misjna die Talmoed vorm.

Die Vilnius-weergawe van die Babiloniese Talmoed se eerste bladsy, Traktaat Beragot, folio 2a. In die middel is die Misjna en vervolgens na buite die latere Ghemara, met opmerkings rakende die Misjna

Daar is twee weergawes van die Ghemara. Die Jerusalemse Talmoed (תַּלְמוּד יְרוּשָׁלְמִי, Talmoed Jeroesjalmie) is saamgestel deur geleerdes van die Land Israel, hoofsaaklik van die akademies van Tiberias en Caesarea, en is tussen 350 en 400 n.C. gepubliseer. Die Babiloniese Talmoed (תַּלְמוּד בַּבְלִי, Talmoed Bawlie) is rondom 500 n.C. der geleerdes van Babilonië, veral van die akademies van Sura, Pumbedita en Nehardea, gepubliseer. Die terme "Ghemara" en "Talmoed" sonder verdere spesifikasies verwys na die Babiloniese weergawes. Die vernaamste opstellers was Rewina en Raw Asji.

Verdere leesstof

  • (de) Günter Stemberger: Der Talmud. Einführung, Texte, Erläuterungen. 4 Uitgawe, Beck, München 2008, ISBN 978-3-406-08354-9

Eksterne skakels

  • (en) "Gemara". Encyclopædia Britannica. Besoek op 16 Maart 2019.