== Buitelandse handel: Afnemende belangrikheid van EU vir die Britse ekonomie ==
Die Europese Unie se gemeenskaplike mark maak tans nog nie voorsiening vir die onbeperkte vrye handel met dienste nie wat die VerenigdeBritse Koninkrykekonomie, waar die verskaffing van dienste met tagtig persent van die totale waarde 'n uiters belangrike rol speel, noodwendig in 'n nadelige posisie moet plaas. Die VK se konsep van vrye markte en handel met goedere én dienste, wat sterk verskil van Duitsland en Frankryk se tradisionele handelsbeleid, sou van die land, net soos die gemeenskaplike taal en kultuur, volgens sommige Brexit-voorstaanders 'n moontlike kandidaat vir toetreding tot die Noord-Amerikaanse Vryehandelsone (NAFTA) gemaak het - 'n voorstel wat al jare voor die Brexit-referendum deur sommige analiste gemaak is en deel van die post-referendum-debat geword het.<ref>[http://foreignpolicy.com/2011/12/13/let-britain-join-nafta/ ''foreignpolicy.com: Let Britain join NAFTA. Besoek op 24 Januarie 2018'']</ref><ref>[https://www.bloomberg.com/view/articles/2017-01-27/after-brexit-u-k-nafta-partnership-looks-kind-of-sensible ''www.bloomberg.com, 27 Januarie 2017: Think About the U.K. in Nafta. Really. Besoek op 24 Januarie 2018'']</ref> Handel met die VSA verteenwoordig sowat 'n kwart van alle Britse uitvoere en 'n vyfde van die VK se invoere.
NAFTA is intussen deur 'n nuwe handelsooreenkoms (USMCA) tussen die VSA, Kanada en Mexiko vervang. Die Verenigde State is daarnaas, soos ontleders verskeie kere opgemerk het, nóg vir verdedigings- nóg vir ekonomiese doeleindes enigsins aangewese op samewerking met die Verenigde Koninkryk nie. Met sy uittreding uit die Europese Unie sal die Verenigde Koninkryk nie meer in staat wees om gemeenskaplike standpunte te verdedig nie. Grootskaalse beleggings van Amerikaanse ondernemings in die Verenigde Koninkryk, wat gemaak is om van hier markte in die hele Europese Unie te bedien, sal as gevolg van Brexit eweneens herwaardeer moet word.
