Neo-Nazisme: Verskil tussen weergawes

Content deleted Content added
Voyageur (besprekings | bydraes)
kNo edit summary
Etiket: 2017-bronwysiging
Voyageur (besprekings | bydraes)
kNo edit summary
Etiket: 2017-bronwysiging
Lyn 4:
'''Neo-nazisme''' is 'n sambreelterm wat na militante maatskaplike of politieke bewegings verwys wat na die [[Tweede Wêreldoorlog]] gevestig is met die doelwit om die ideologie en beleid van Duitse Nazisme te laat herleef en te implementeer. Neo-nazisme is 'n wêreldwye verskynsel met 'n verskeidenheid doelwitte, alhoewel internasionale netwerke gevestig is. Die ideologiese grondslag van neo-nazistiese groeperings word gekenmerk deur elemente wat aan die oorspronklike Nazi-doktrine ontleen is, insluitende [[Nasionalisme|ultranasionalisme]], [[rassisme]], [[xenofobie]], [[homofobie]], diskriminasie van geestelik of liggaamlik [[Gestremdheid|gestremdes]], [[antisemitisme]] en [[Kommunisme|anti-kommunisme]]. Oorlogsmisdade van Duitsland se Nazi-bewind en Nazi-weermag word ontken of gerelativeer, so ook die [[Holocaust]].
 
Dit is 'n voortsetting van die nasionale sosialistiese ideologie wat die Indo-Europese ras of, in 'n meer uiterste sin, [[wit mense]], die Ariese ras, beter as alle ander rasse beskou. Die ideologie veronderstel ook dat [[Judaïsme]] na wêreldoorheersing streef en die uiteindelike vernietiging van die wit ras voorstaan. [[Geweld]] word dikwels verheerlik en tradisionele gesinswaardes word dikwels beklemtoon. Die meeste beskrywings gee egter 'n vereenvoudigde voorstelling van Neo-Nazisme as politieke en maatskaplike verskynsel. So wys navorsers daarop dat daar in enkele ver-regseverregse kringe inderdaad 'n diskoers oor [[homoseksualiteit]] gevoer word deur Neo-nazis wat hulself as [[Homofilie|homofiel]] beskryf, so deur die bekende [[Wes-Duitsland|Wes-Duitse]] Neo-nazi Michael Kühnen (wat in 1991 aan [[vigs]] oorlede is) in sy strydskrif ''Nationalsozialismus und Homosexualität'' (1986).<ref>[http://www.bpb.de/politik/extremismus/rechtsextremismus/197044/schwule-nazis-maennliche-homosexualitaet-und-homosexuellenfeindlichkeit-in-der-extremen-rechten ''bpb.de: Schwule Nazis?! (Männliche) Homosexualität und Homosexuellenfeindlichkeit in der extremen Rechten. Besoek op 24 Maart 2019'']</ref>
 
Die [[Nasionaal-Sosialistiese Duitse Arbeidersparty]] (NSDAP) word na die Tweede Wêreldoorlog as 'n kriminele organisasie saam met al sy dogterorganisasies verklaar. Nazisme is verbied in [[Duitsland]] en in baie ander lande na die Tweede Wêreldoorlog. Klein groepe neo-Nazi's bestaan egter steeds regoor die wêreld. Hulle vestig aandag in die [[Media (kommunikasie)|media]] as gevolg van gewelddadige optrede teen hoofsaaklik immigrante of weens openlike neo-Nazi uitsprake. 'n Voorbeeld hiervan is die NSDAP / AO (''Nationalsozialistische Deutsche Arbeiterpartei/Auslands-Organisation'', oorspronklik die benaming vir die NSDAP se buitelandse dogterorganisasies wat in 1972 deur 'n nuutgestigte organisasie in die Amerikaanse deelstaat [[Nebraska]] oorgeneem is), wat hulself net met neo-Nazi-propaganda besig hou. Benewens neo-Nazi's, is daar verwante groeperings wat die bestaan van die Holocaust en ander historiese feite oor Nazisme ontken en die Duitse NS-bewind tussen 1933 en 1945 in 'n positiewe lig probeer stel.