Regs (politiek): Verskil tussen weergawes

 

== Oorsprong van die term ==

Daar is verskeie verduidelikings oor die presiese oorsprong van die politieke terme links en regs, alhoewel daar ooreenstemming is dat dit dateer uit die tyd van die [[Franse Revolusie]], waarin 'n ruimtelike indeling van die Franse state-generaal (''États généraux'') ingestel is waarvolgens die voorstanders van die behoud van die ou magverhoudinge aan die regterkant gesit het en hul teenstanders aan die linkerkant. Die konserwatiewe (reaksionêres en geestelikes) het aan die regterkant van die voorsitter gesit. Hulle het hoofsaaklik bestaan uit edeles, kerkleiers en monargistiese burgers wat die tradisionele ''Ancien Régime'' wou handhaaf.<ref>Carl Devos, 2006, ''De kleermakers en de keizer: inleiding tot politiek en politieke wetenschappen'', Academia Press, bl. 87.</ref> Links van die voorsitter was die sekulêre liberale. Hulle wou die mag van die tradisionele orde vernietig tot voordeel van die [[bourgeoisie]]. Later in die negentiende eeu het die aksente verskuif: die linkerkant het hoofsaaklik van toegepasing geword op sosialistiese partye, waardeur die liberale in die politieke sentrum beland het en die konserwatiewes as regs beskou is.