Oksidasie: Verskil tussen weergawes
Content deleted Content added
Uitleg van bronteks |
Inligting bygewerk |
||
Lyn 7:
== Oksideermiddel ==
Die twee elektrone word in hierdie geval aan 'n ''oksidasiemiddel'' of ''oksidant'' afgestaan: die <math>Cu^{2+}</math>-ione wat in die oplossing aanwesig is. Hierdie koperione ondergaan daardeur die teenoorgestelde proses, wat [[reduksie]] genoem word en waardeur die oksidasiegetal van [[koper]] van 2+ na 0 verminder word.
Die belangrikste nywerheidsoksidasiemiddel is lug, hoewel suiwer suurstof tans eerder gebruik word. Suurstof as oksideermiddel het 'n aantal voordele bo lug, wat die hoë koste daarvan regverdig. Die voordele is die volgende:
- Dit het 'n hoër verbrandingsenergie omdat stikstofgas nie aanwesig is nie. Suurstofgas word derhalwe in veral gasvlamsnyers gebruik vir die sny van metaalplate.
- Die risiko van lugbesoedeling word verminder, omdat [[suurstof]] saam met stikstof by hoë temperature gevaarlike [[Stikstofoksied|stikstofoksiede]] vorm.
Suiwer suurstof word as oksideermiddel in veral die staalnywerheid gebruik. Dit word ook gebruik om ander oksideermiddels te vervaardig, soos [[salpetersuur]] (afkomstig van [[ammoniak]]) en [[swaelsuur]] (afkomstig van swael). Die permanganate van [[mangaan]], [[kalium]] of [[chroom]] word gevorm deur dit met natronloog of natriumkarbonaat te verbind en dan suurstof daardeur te pomp.
Peroksiede (O<sub>2</sub><sup>2-</sup> -ione of die - O- O-groep) is oksidasiemiddels en ook kragtige bleikmiddels. [[Waterstofperoksied]] (H<sub>2</sub>O<sub>2</sub>) word veral gebruik vir die bleik van hare. Chloorverbindings lewer ook 'n hoë oksidasiepotensiaal en word op grond daarvan gebruik om alge groei in swembaddens teen te werk.
== Reduksiemiddels ==
Daar is min reduksiemiddels beskikbaar. [[Steenkool]] en die koolwaterstowwe is natuurlike bronne en reduseermiddels word daaruit verkry. Waterstofgas en CO-gas ([[koolstofmonoksied]]) is belangrike reduseermiddels wat uit die grondstowwe afkomstig is, en dit word gebruik vir die winning van metale uit erts deur die metaaloksiede te reduseer. In die geval van CO verbind die gas met die metaal se suurstof, waardeur CO<sub>2</sub> ([[koolstofdioksied]]) gevorm word. Die alkali- en alkali-aardmetale kan ook as reduksiemiddels gebruik word.
== Bronnelys ==
* Wêreldspektrum, 1982, ISBN 0908409621, volume 21, bl. 86
== Kyk ook ==
|