Benito Mussolini: Verskil tussen weergawes

Content deleted Content added
Voyageur (besprekings | bydraes)
Etiket: 2017-bronwysiging
→‎Jeug: Skakel
Lyn 60:
== Jeug ==
[[Lêer:Predappio_house.JPG|duimnael|links|Mussolini se geboortehuis]]
Benito Amilcare Andrea Mussolini is op 2 Julie 1883 op die gehuggie Varano di Costa by Predappio in die streek [[Romagna]] in [[Italië|Noordoos-Italië]] as die seun van 'n smid en 'n onderwyseres gebore. Sy vader was 'n [[Ateïsme|ateïs]], 'n Republikein en 'n [[Sosialisme|sosialis]]. Dit, saam met die [[Links (liberaal)linksgesinde|linkse]] tradisie in Romagna en sy armoedige jeug, het in groot mate daartoe bygedra dat Mussolini vroeg reeds rebels en sosialisties geword het. Hy het vir 'n kort tydjie onderwys gegee, maar dit het hom nie bevredig nie. Sy avontuurlus het hom in 1902 na [[Switserland]] laat vertrek, waar hy met [[Marxisme]] in aanraking gekom het. Nadat hy sy militêre diensplig voltooi het, het hy in die destydse Trentino (toe nog in Oostenryk) sekretaris van 'n Italiaanse vakbond geword en 'n sosialistiese blad uitgegee. Dit het later tot sy uitsetting uit [[Oostenryk]] gelei.
 
As sekretaris van die sosialistiese federasie van die provinsie Forli het Mussolini in 1910 met die weekblad ''La Lotta di Classe'' ("Klassestryd") begin. Hy het tot die linkervleuel van die sosialistiese party behoort en het onder die invloed van [[Friedrich Nietzsche]] en [[Georges Sorel]] (1847-1922) 'n voorstander van aksie en geweld geword. Hy was ook teen parlementêre [[demokrasie]] gekant en het voorgegee dat hy teen nasionalisme en militarisme was.