W.E.G. Louw: Verskil tussen weergawes

Die Suid-Afrikaanse Kunsvereniging oorhandig in 1965 aan hom die medalje van verdienste. Op 22 September 1970 word hy op Stellenbosch gehuldig vir sy bydrae tot die Afrikaanse letterkunde op ’n huldigingsaand wat deur die plaaslike skakelkomitee van die [[Federasie van Afrikaanse Kultuurvereniginge|Federasie van Afrikaanse Kultuurverenigings]] (FAK), die Afrikaanse Skrywerskring en die Afrikaanse Taal- en Kultuurbond (ATKB) gereël is. Die program vir die geleentheid sluit in voordragte van sy gedigte en sang van sommige van sy getoonsette gedigte, met ’n huldigingsrede deur R.H. Pheiffer. In 1970 ken die Akademie ook die [[Gustav Prellerprys vir Literatuurwetenskap en Letterkundige Kritiek|Gustav Preller-prys]] aan hom toe vir sy literêre kritiek. By geleentheid van sy vyf en sestigste verjaardag verskyn die huldigingsbundel ''Skanse teen die tyd'' in 1978 (saamgestel deur E.C. Britz, J.C. Kannemeyer en R.H. Pheiffer) en in dieselfde jaar word die Junie uitgawe van ''Standpunte'' aan sy werk gewy. Ten tye van sy eeufees in 2013 word die produksie ''W.E.G. Louw 1913'' by die [[Klein Karoo Nasionale Kunstefees|KKNK]] opgevoer, bestaande uit woordmusiek en beeldmateriaal uit sy lewe.