Sinagoge: Verskil tussen weergawes

In die sinagoge vind die daaglikse gebedsdienste, asook die viering van [[Sabbat]] en die [[Lys van Joodse feeste en herdenkings|Joodse feeste]] plaas. 'n Joodse gemeente word deur 'n [[rabbyn]] (aanspreekvorm: rabbi) gelei, wat die [[Talmoed]] en [[Tora]] bestudeer het. Die sinagoge beskik oor 'n Toraskryn (Hebreeus: אָרוֹן הָקׄדֶש, ''Arón haKodesj'', letterlik: "skryn van die Heilige"), wat die gemeente se Torarolle huisves<ref>{{en}} {{cite book|author=Wischnitzer, Rachel, Bezalel Narkiss|year=2007|title=Ark|work=Encyclopaedia Judaica|volume=2de|location=Detroit|publisher=Macmillan Reference USA|pages=463–464}}</ref> en die rigting van Jerusalem aandui, die rigting waarin Jode bid.

 

 

[[Israel]]i's gebruik die Hebreeuse term בית כנסת, ''beit knésset''. [[Asjkenasiese Jode]] gebruik tradisioneel die [[Jiddisj]]e term 'שול, ''sjoel'' (verwant aan die [[Duits]]e ''Schule'', in [[Afrikaans]]: "skool"). Romaniote en [[Sefardiese Jode]] gebruik veral die term ''kal'' (ontleen aan die Hebreeuse ''kahal'', letterlik: "gemeente"). Spaanse Jode verwys na die sinagoge as ''sinagoga'', terwyl Portugese Jode dit ''esnoga'' noem. Persiese Jode en sommige Karaïete Jode gebruik die term ''kenesa'', afgelei van [[Aramees]], en sommige [[Mizrachi-Jode]] noem dit ''kenis''. Sommige "Gereformeerde", "Rekonstruksioniste" en "Konserwatiewe" Jode gebruik die term "tempel". Die Griekse woord ''sinagoge'' word in Afrikaans (Duits, [[Engels]], [[Frans]] en die meeste [[Romaanse tale]]) gebruik om die voorafgaande moontlikhede te dek.<ref>{{en}} [http://www.jewfaq.org/shul.htm Judaism 101: Synagogues, Shuls and Temples]. Jewfaq.org.</ref>