[[Lêer:Map of the Legal systems of the world (en).png|duimnael|400px|Regstelsels van die wêreld.<ref>[http://www.juriglobe.ca/eng/syst-onu/index-alpha.php Alphabetical Index of the 192 United Nations Member States and Corresponding Legal Systems], Website of the Faculty of Law of the University of Ottawa</ref>]]
Die '''reg''' is al die reëls in 'n samelewing wat deur bevoegde owerhede neergelê is om die gedrag van en verhouding tussen [[regsubjek]]te te reguleer deur middel van strawwe wat daarop gemik is om afwykende gedrag en versteurde verhoudings reg te stel.
Daar bestaan verskille in die benadering tot regspleging in die Engelse wêreld en dié van kontinentale Europa. Die kontinentale reg is hoofsaaklik gebaseer op gekodifiseerde reg, wat beteken dat die grootste deel van die reg vasgelê is in die [[wet]] ("[[Statutêre reg]]/[[Geskrewe reg]]"). Die regter word hier tradisioneel gesien as die persoon wat die teks van die wet interpreteer en toepas, maar self maak hy geen regsreëls nie. Dit staan in teenstelling met die [[Engelse reg]] waar die regspraak ook bydra tot die skep van regspresedente en sodoende bydra tot die regstelsel – 'n stelsel wat bekend staan as die "[[gemenereg]]"-stelsel.
== Kodifisering van die reg ==
Reg is die formele [[kodifisering]] van gebruike wat aanvaarding as die afdwingbare norm in 'n samelewing bereik het. Hierdie aanvaarding word in die moderne samelewing versnel deur die bestaan van [[wetgewer|wetgewende liggame]] wat hul ten doel stel om die wette toe te pas.
