n die gemeenskap moet ontwikkel nie, maar dat hulle deel is van die gemeenskap net soos al die ander bydraers. Hulle word egter voorsien van ekstra gereedskap vir huishoudelike take wat moontlik die projek kan skaad as alle gebruikersborrar y blockiar Dministrasion de wikixia
[[Lêer:Wikipedia Administrator.svg|duimnael|Administrateurs help om Wikipedia skoon en netjies te hou.]]
[[Lêer:Vandalenjaeger 01.jpg|duimnael|Administrateurs help om vandale uit die Wikipedia te hou.]]
'''Administrateurs''', ook soms verkort as '''admins''' en ook genoem '''sysops''' (van die Engelse "system operators") is Wikipediane aan wie die gemeenskap toegang tot tegniese eienskappe van die projek verleen, sodat hulle aan die onderhoud en instandhouding van Wikipedia aandag kan gee. Administrateurs kan bladsye beveilig en verwyder, ander bydraers blokkeer of verban en ook enige van hierdie aksies ongedaan maak. Hierdie voorregte word vir 'n onbepaalde periode aan 'n administrateur toegestaan en word slegs onttrek op versoek van die administrateur self of ander omstandighede waar die administrateur skuldig bevind word aan 'n misbruik van hierdie voorregte. Administrateurs is bydraers wat vrywilliglik ekstra verantwoordelikheid op hulself neem. Hulle is dus ''nie'' betaalde werknemers van die Wikimedia-stigting ''nie''.
<center>'''[[Spesiaal:Listadmins|Outomatiese lys van huidige administrateurs]]''' – '''[[Wikipediabespreking:Administrateur|Nominasies en selfnominasies vir administrateurstatus]]'''</center>
In die dae toe Wikipedia nog sy babatreë gegee het, het alle bydraers ook as administrateurs gefunksioneer en in prinsiep behoort dit steeds so te wees. Enige gebruiker kan hom- of haarself gedra soos dit 'n administrateur betaam (behalwe om valslik te beweer dat hulle een is), selfs al besit hulle nie oor die ekstra administratiewe funksies nie. Daar was reeds vroeg uitgewys dat administrateurs nooit tot 'n spesiale subgroep van die gemeenskap moet ontwikkel nie, maar dat hulle deel is van die gemeenskap net soos al die ander bydraers. Hulle word egter voorsien van ekstra gereedskap vir huishoudelike take wat moontlik die projek kan skaad as alle gebruikers toegang daartoe het.
Die gemeenskap ''verwag wel'' van administrateurs om die noodsaaklike instandhouding en huishoudelike take te verrig waartoe die ekstra voorregte hulle in staat stel. Voorbeelde van sulke take is die dophou van die [[Wikipedia:Bladsyverwydering|nomisasies vir bladsyverwydering]], sodat die konsensus van die gemeenskap uitgevoer kan word, asook die dophou van "onlangse wysigings", sodat blatante vandalisme vinnig teruggerol kan word. Gebruikers mag administrateurs ook kontak vir hulp of advies rakende tegniese sake. Omdat administrateurs oor die algemeen deur die gemeenskap as vertroude bydraers beskou word, gebeur dit soms dat ander gebruikers 'n administrateur kontak om op te tree as 'n bemiddelaar tydens 'n konfliksituasie. Ook gewone gebruikers mag om die rede gekontak word: bemiddelaars is altyd ''neutraal'' en is nie self direk betrokke met die kwessies waarmee hulle ander help nie.
