Maak hoofkeuseskerm oop

Wysigings

30 grepe bygevoeg ,  5 maande gelede
Hoewel Egiptiese see-ekspedisies reeds in die 3de millennium&nbsp;v.C. onderneem is na Bublos om Libanese sederhout terug te bring, is aaneenlopende kontak eers in die tyd van die [[Nuwe Ryk van Egipte]] gevestig. In die [[Amarna-briewe|Amarna-tablette]] van die [[14de eeu v.C.]] het mense van die streek hulself ''Kenaani'' of ''Kinaani'' genoem. Heelwat later, in die [[6de eeu v.C.]], het [[Hekateus van Milete]] geskryf Fenisië is voorheen ''χνα'' (gelatiniseer: ''khna'') genoem, ’n naam wat [[Philo van Bublos]] later in sy [[mitologie]] aangepas en vir die [[Feniciërs|Fenisiërs]] gebruik het: "Khna, wat later Phoinix genoem is".<ref>Eusebius, ''Praeparatio Evangelica'', Boek 1, hoofstuk 10, deel 10 ([http://books.google.co.uk/books?id=2oFJAAAAMAAJ&pg=PA268 vertaling 1] [http://books.google.co.uk/books?id=BM8UAAAAIAAJ&pg=PA216 vertaling 2])</ref>
 
''Phoenicia'' is eintlik ’n Klassieke Griekse term wat gebruik is vir die streek waar die groot [[Kanaän]]itiese hawestede voorgekom het en verwys nie na ’n spesifieke kulturele identiteit wat deur die Fenisiërs self erken sou word nie. Die Griekse naam beteken "land van [[purper]]", ’n verwysing na die Fenisiërs se belangrike uitvoerproduk.<ref>Barry Cunliffe, Europe Between the Oceans; 9000 BC-AD 1000, (New Haven: Yale University Press, 2008), 241.</ref>
 
Dit is onseker in watter mate die Fenisiërs hulself as ’n enkele entiteit of volk beskou het. Hul beskawing was in stadstate verdeel, nes dié van Antieke Griekeland.<ref>María Eugenia Aubet. ''The Phoenicians and the West: politics, lemons, colonies and trade''. p17. Cambridge University Press 2001</ref> In terme van [[argeologie]], [[taal]], lewenstyl en [[godsdiens]] is daar min wat die Fenisiërs onderskei van ander [[Semitiese taalfamilie|Semitiese]] kulture van Kanaän. As Kanaäniete was hulle uniek wat hul seevarende prestasies betref.
 
Elke stadstaat was ’n polities onafhanklike eenheid. Hulle het soms gebots en een stadstaat kon deur ’n ander oorheers word, hoewel hulle in alliansies sou saamwerk. Al het die grense van die stadsgebonde kulture gewissel, lyk dit of die stad [[Tirus]] die suidelikste geleë was. [[Sarepta]] is die stad van die Fenisiese tuisland wat die deeglikste opgegrawe en verken is.
28 636

wysigings