Qwaqwa: Verskil tussen weergawes

Daarby is heelwat goeie landbougrond reeds vir nedersettings gebruik. Tot dusver het veeboerdery hoofsaaklik onoordeelkundige beesboerdery wat nie op die verbetering van die veestapel of op behoorlike bemarking gerig was nie, behels. In die laaste jare is daar egter begin met verskeie landbouprogramme, waarvolgens intensiewe en koöperatiewe boerderye aangemoedig word. Verskeie melk-, vark- en hoenderboerderye is reeds gestig. Goed geteelde vee word op 'n subsidiegrondslag aan boere verskaf.

 

 

ʼn Aspersieprojek is naby die [[Kwenadam]] in die ooste van Qwaqwa begin. Van alle aspersiekwekerye ter wêreld is die een die hoogste bokant seespieël geleë. Naby Phuthaditjhaba is daar ook plantasies sagtevrugte- en kersiebome. 'n Ander arbeids intensiewe projek waarmee begin is, is gemeenskapstuine. Elke tuin word gesamentlik deur 'n aantal vroue bewerk en die opbrengs is hoofsaaklik vir huishoudelike gebruik bedoel. Qwaqwa het geen natuurlike bosse nie, maar 'n bloekomplantasie is aangeplant vir die voorsiening van brandhout.