Aleksandr Borodin: Verskil tussen weergawes

'''Aleksander Borodin''' ([[1833]] - [[15 Februarie]] [[1887]]), een van die belangrikste [[Rusland|Russiese]] komponiste van die [[19de eeu|19e eeu]], is in [[Sint Petersburg|St. Petersburg]] gebore. Hy het as skoolseun [[klavier]], [[fluit]] en [[tjello]] leer speel en ook gekomponeer. Van [[1850]] af het hy in die [[chemie]] gestudeer en sy doktorsgraad het hy in [[1859]] behaal.

Na verdere studie in [[Europa]] het hy in [[1864]] hoogleraar in chemie aan die Medies-snykundige Akademie in St.Sint Petersburg geword. Uit hierdie tyd dateer sy eerste belangrike komposisie, die Eerste Simfonie in E-mol-majeur. In [[1869]] het Borodin aan sy Tweede Simfonie in B-mol en aan sy opera ''Prins Igor'' begin werk.

Hy het ook 'n aantal kunsliedere, [[Strykkwartet|strykkwartette]], die Derde Simfonie in AmineurA-Mineur (onvoltooid) en die atmosferiese toondig ''In die steppe van Sentraal-Asië'' geskryf. Borodin se opbrengs is vanweë sy primêre bedrywighede as mediese wetenskaplike gering, maar die gehalte van sy musiek - met 'n sterk liriese inhoud en 'n kleurvolle orkestrasie - is besonder hoog.

Saam met [[Mili Balakiref|Balakiref]], [[Modest Moessorgski|Moessorgski]], Cui en [[Nikolai Rimski-Korsakof|Rimski-Korsakof]] was hy deel van die Russiese nasionale skool wat as "die Vyf" bekend gestaan het. Borodin is op [[15 Februarie]] [[1887]] tydens 'n bal in [[Sint Petersburg|St. Petersburg]] oorlede. Na sy dood is sy meesterlike opera ''Prins Igor'' deur Rimski-Korsakof voltooi.