Tadao Ando: Verskil tussen weergawes

'''Tadao Ando''' word as die mees befaamde eietyds argitek in [[Japan]] beskou. 'n Boek oor die boukuns van die [[Switserland|Switsers]]-[[Frankryk|Franse]] argitek [[Le Corbusier]], wat hy as vyftienjarige seun gekoop het, het sy belangstelling vir argitektuur gewek. Alhoewel hy nooit 'n formele opleiding as argitek gevolg het nie en oorspronklik 'n loopbaan as professionele bokser nagestreef het, het hy in 1969 as outodidak in Osaka sy eie argitekte-ateljee geopen, ''Tadao Andō Architect & Associates''.

Ando se werk word onder andere gekenmerk deur sy voorkeur vir minimalistiese ontwerpe, soos reeds uit sy eerste projek geblyk het - die Azuma-huis in sy geboortestad [[Osaka]] wat in 1979 deur die ''Japan Institute of Architects'' met 'n prys bekroon is. Gedurende sy mees onlangse werkfase het Ando in omgewingsake begin belangstel. In 2007 het hy die projek ''Umi-ni-Mori'' (''«Seebos»'') in [[Tokio]] begin waardeur 'n voormalige vullisstortterrein tot 'n beboste ontspanningsgebied omgeskep word.