Olivier Roy: Verskil tussen weergawes

'''Olivier Roy''' (* [[30 Augustus]] [[1949]] in [[La Rochelle]]) is 'n [[Frankryk|Franse]] politoloog, politieke raadgewer, diplomaat en gesant van die [[Verenigde Nasies]] wat as een van die land se voorste [[Islam]]-deskundiges beskou word. Olivier Roy fokus op politieke Islam en Islamisme en is daarnaas 'n deskundige vir [[Sentraal-Asië]]. Sedert 1995 voer hy 'n debat met die Franse sosiaalwetenskaplike Gilles Kepler oor die wese en oorsake van radikale Islamisme en terreur in Frankryk. Terwyl Kepler argumenteer dat terroriste 'n radikale vorm van Islam verteenwoordig, beweer Roy dat bestaande radikaliteit van migrante uit die tweede generasie, wat sy wortels in selfhaat en selfverwerping het, maklik geïslamiseer kan word en sodoende bande verbreek met beide die kultuur en godsdiensbeoefening van hul ouers asook alle westerse waardes. Hul motivasie is volgens Roy eerder nihilisties as godsdienstig van aard en sodoende vergelykbaar met skietvoorvalle en massamoorde in Amerikaanse skole of op 'n Noorse vakansie-eiland.