Loftus Marais: Verskil tussen weergawes

Content deleted Content added
Lyn 31:
 
== Lewe en werk ==
Lodewikus Stefanus Marais is op [[5 Maart]] [[1982]] in die [[Paarl]] gebore en word ook daar groot. Sy pa, André, en sy ma, Linda, is beide onderwysers. Hy het ’n ouer suster, Liné. Sy pa was onderwyser by die Hoër Landbouskool [[Boland]] in die Agter-Paarl, maar is jonk dood. Sy ma trek dan met die gesin na die Paarl toe en sy word later hoof van La Rochelle Laerskool. Loftus gaan skool by die Laer Seunskool en matrikuleer aan die Hoër Jongenskool in die Paarl. In 1992 op laerskool speel hy ’n rol in die operette “''Rip van Winkel''” en in 1998 op hoërskool speel hy by die Logan-fees in die skool se kabaret “''Afrikaners is kamasut ’t ja''”. Die skool voer in 2000 “''Die Van Aardes van Grootoor''” van [[Pieter-Dirk Uys]] tydens die [[Montagu]]-toneelfees op en herhaal dit by die [[Brackenfell]]-toneelfees, waar hulle stuk die trofee wen en hy saam met drie ander as beste akteur aangewys word. ’n Artikel van hom in sy hoërskool se koerant maak dat die hele oplaag vernietig word uit vrees vir ’n lastersaak. Hy studeer verder aan die [[Universiteit Stellenbosch|Universiteit van Stellenbosch]] waar hy ’n [[B.A.-graad]] en B.A. Honneurs-graad in Afrikaans-Nederlands behaal. Daarna studeer hy vir twee maande by [[Afhanklike ontstaan|AFDA]] in die Kaap aan ’n graad in die Filmkunde, maar skop hierdie studies op om eerder in die kreatiewe skryfkuns te studeer. Onder leiding van [[Marlene van Niekerk]] behaal hy in 2007 sy M.A.-graad in Kreatiewe Skryfkuns aan die Universiteit van Stellenbosch met lof. Sy mini-verhandeling vir hierdie graad is “''Die huis as betekenisvolle ruimte in enkele Afrikaanse gedigte, met spesifieke verwysing na die bewoningsfilosofieë van Heidegger, Bolnow en Bachelard''”. Dan sluit hy in 2008 by NB-Uitgewers aan as fiksie reklamebeampte, maar na die groot aantal pryse wat sy debuutbundel wen bedank hy in 2010 sy werk om te skryf en te reis. Hy word ’n vryskut bemarkingsbeampte en reis ook in die buiteland, waar hy onder andere [[Londen]], [[Amsterdam]] en [[New York (dubbelsinnig)|New York]] besoek. . As vryskutjoernalis het ’n hele paar letterkunde-artikels in verskeie publikasies reeds onder sy naam verskyn.<ref>http://www.nb.co.za/authors/6573</ref>
 
In 2005 is hy in die nuus wanneer hy onthul dat die digter [[Melanie Grobler]] plagiaat gepleeg het in haar digbundel “''Die waterbreker''” deur ooreenkomste met die [[Kanadese]] digter Anne Michaels se werk in ’n artikel op die Internet webwerf [[LitNet]] uit te wys. Grobler gee later die [[Eugène Maraisprys|Eugène Marais]]-prys wat sy met hierdie bundel gewen het, terug. Loftus tree by verskeie geleenthede by Woordfees en Versindaba op Stellenbosch op, waar hy van sy gedigte voorlees en is in Mei 2009 een van slegs twee Afrikaanse digters wat optree by die Badilisha Poetry X-Change in [[Kaapstad]]. In Oktober van hierdie jaar tree hy ook op by Poetry Africa in [[Durban]], waar hy self sy gedigte vir voorlesing in Engels vertaal. As vryskutskrywer verskyn baie artikels en rubrieke van hom in verskeie publikasies.