Springfield, Massachusetts: Verskil tussen weergawes

'''Springfield''' is 'n stad in die suidweste van [[Massachusetts]], geleë langs die [[Connecticut-rivier]], ongeveer 147  km suidwes van [[Boston]] en 5km5 km noord van die grens met [[Connecticut]]. Springfield dien as die administratiewe setel van die distrik Hampden (''Hampden County''). Tussen 1794 en 1968 was Springfield die setel van 'n nasionale wapenfabriek waar onder meer kleiner [[vuurwapen]]s vervaardig is. Die aanleg, wat in die wapenbehoeftes van die Amerikaanse strydmagte voorsien het, is later omgeskep tot 'n museumkompleks, die ''Springfield Armory National Historic Site''.

Drie van Springfield se byname verwys na belangrike uitvindings wat hier gemaak is asook wetenskaplike prestasies. ''The City of Firsts'' sinspeel op innovasies soos die eerste Amerikaanse [[woordeboek]], die eerste Amerikaanse gasaangedrewe voertuig en die eerste meganiese draaibank wat vir die vervaardiging van geweerlope ontwikkel is. ''The City of Homes'' verwys na Springfield se [[Victoriaanse tydperk|Victoriaanse]] residensiële boukuns, terwyl die bynaam ''Hoop City'' aan Springfield as bakermat van [[basketbal]] gegee is -– 'n nuwe sport wat hier in 1891 deur James Naismith uitgevind is.

Die eerste mense het hier gearriveer in die lente van 1636 onder leiding van William Pynchon.<ref>''Collier's Encyclopedia'', Crowell-Collier Educational Corporation, Volume 21, bl. 463</ref> Uit vrees vir die [[Indiane]] het hulle later na die oostekant van die Connecticut-rivier getrek wat minder vrugbaar is. In 1640 was die nedersetting se naam verander van Agawam na Springfield, Pynchon se geboortedorp in [[Engeland]]. In 1641 is dit amptelik as 'n dorp bevestig.