Famadihana: Verskil tussen weergawes

[[BeeldLêer:Famadihana reburial razana ancestor Madagascar.jpg|duimnael|200px|’n Lyk word herbegrawe op Madagaskar.]]

'''''Famadihana''''' is ’n begrafnisritueel van [[Madagaskar]]. Dit is bekend as die "draai van die bene" en behels dat die oorskot van afgestorwe [[Malgasse (volk)|Malgasse]] uit die familiegraftombes gehaal en in vars linne toegedraai word. Daar word dan op die maat van [[musiek]] met die lyke gedans voordat dit herbegrawe word.<ref name="BBC">"Madagascar's dance with the dead" [[BBC]], 16 August 2008.[http://news.bbc.co.uk/2/hi/programmes/from_our_own_correspondent/7562898.stm] Besoek op 17 Augustus 2008.</ref>

Dit lyk of die gebruik van redelik onlangs dateer, moontlik uit die 17de eeu in sy huidige vorm. Dit kan egter ’n aanpassing van ’n vroeëre, [[Suidoos-Asië|Suidoos-Asiatiese]] dubbele begrafnis wees. Die gebruik is geskoei op die geloof dat die geeste van die afgestorwenes eindelik die wêreld van die voorvaders betree ná die algehele ontbinding van die lyk en die gepaste seremonies, wat baie jare kan duur. In Madagaskar het dit tot ’n ritueel elke sewe jaar gelei. Die gebruik bring uitgebreide families saam om familiebande te vier.

''Famadihana'' is aan die afneem weens die koste van doodsklede van sy en die geloof onder moderne Malgasse dat dit outyds is. Vroeëre sendelinge het die gebruik ontmoedig en [[Evangelisme|Evangeliese ChristenChristene]]e sien al hoe meer af daarvan. Die [[Katolieke Kerk]] maak egter nie meer beswaar daarteen nie omdat hulle dit as suiwer [[Kultuur|kultureel]] beskou en nie as ’n [[godsdiens]]tige praktyk nie. Soos ’n Malgassiese man aan die [[BBC]] verduidelik het: "Dis belankrik, want dit is ons manier om die afgestorwenes te eerbiedig. Dit is ook ’n kans vir die hele familie, van oor die hele land, om byeen te kom."<ref name="BBC" /><ref>http://mywanderlist.com/2013/03/08/worlds-most-bizarre-ceremony-turning-bones-corpses-madagascar-famadihana/</ref>

* [https://www.nytimes.com/2010/09/06/world/africa/06madagascar.html?_r=1 ''Dead Join the Living in a Family Celebration'']

* [[Lêer:Crystal txt.png|15px]] Hierdie artikel is vertaal uit die [[:en:Famadihana|Engelse Wikipedia]]