Extremadura: Verskil tussen weergawes

'''Extremadura''' is een van die sewentien outonome gemeenskappe van [[Spanje]]. Dit is in die suidweste van Spanje, halfpad tussen [[Lissabon]] en [[Madrid]], geleë en grens aan [[Portugal]], en die outonome gemeenskappe [[Kastilië-La Mancha]], [[Kastilië en León]] en [[Andalusië]]. In 2009 het Extremadura 'n inwonertal van 1 097 744 gehad. Die hoofstad is [[Mérida]] met 'n bevolking van meer as 70 000. Die enigste groter stedelike nedersetting in die yl bevolkte streek is [[Badajoz]] met ongeveer 150 000 inwoners. Na die plaaslike bevolking word in Spaans as ''Extremeños'' verwys.

[[Lêer:Atardecer en Extremadura.jpg|duimnael|links|Sononder in 'n plattelandse gebied tussen Cáceres en Mérida]]

[[Lêer:Meandro Malvellido Las-Hurdes.jpg|duimnael|links|'n Kronkelende rivier in die bergstreek van Las Hurdes. Hierdie bergwêreld was vroeër een van die mees afgeleë op die Iberiese Skiereiland, met ontoeganklike valleie waarin nòg Romeinse nòg Moorse veroweraars 'n voet gesit het]]

Die streeksnaam, wat «Anderkant die Duero» beteken, verwys na die historiese rol van die Duero as grensrivier tydens die Reconquista, die Christelike herverowering van Spanje en Portugal. Eeue lank het die rivier die Christelike en Moors-Islamitiese invloedsfeer op die Iberiese Skiereiland van mekaar geskei. Die Portugese Estremadura het dieselfde etimologiese oorsprong.