Modest Moessorgski: Verskil tussen weergawes

'''Modest Petrowitsj Moessorgski''' ([[1839]]-[[1881]]) was 'n Russiese komponis wat in [[Karevo]] gebore is. Hy het klavierlesse by sy moeder ontvang. As militêre kadet in [[Sint Petersburg|St. Petersburg]] het die jong Moessorgski verbasende weetgierigheid en uiteenlopende belangstellings aan die dag gelê en daarbenewens ook sy musiekstudies voortgesit. In [[1856]], as 17-jarige luitenant, het Moessorgski met [[Aleksandr Borodin|Borodin]] en Dargomisjki kennis gemaak, terwyl die musiek van Glinka sy belangstelling gewek het. ▼

Hy het verdere musiekopleiding van Balakiref ontvang, en na 'n aantal komposisies (waarvan die sangsiklus ''Die kinderkamer'' en die opera ''Die huwelik'' belangrik is het Moessorgski in [[1869]] met sy operameesterstuk ''Boris Godoenof'' begin. Moessorgski, aangevuur deur sy belangstelling in die Russiese geskiedenis, het self ''Boris'' se teks geskryf. Dit is op die drama van [[Aleksander Poesjkin]] ([[1799]]-[[1837]]) en op die Russiese geskiedenis gebaseer. ▼

Die eerste opvoering in [[1874]] was baie geslaagd. Na die vroeë dood van 'n geliefde het Moessorgski nooit getrou nie en sy lewe het al hoe eensamer geword. Hy het uiteindelik 'n volslae alkoholis geword. Die opera ''Kowantsjina'' het onvoltooid gebly, maar ondanks sy ellende en die vervreemding van sy vriende, het Moessorgski begin werk aan ''Die kermis by Sorotsjinsk'', wat op ʼn verhaal van [[Nikolai Gogol]] gebaseer is. ▼

Hy is in [[1881]] in 'n hospitaal in [[Sint Petersburg|St. Petersburg]] oorlede. Moessorgski se operas, veral ''Boris Godoenof'', toon sy dramatiese tegniek wat berus op die plasing van sterk gekarakteriseerde individue teen 'n agtergrond van die land en die volk. Sy liedere beskryf tonele uit die Russiese lewe met groot insig. Sy belangrikheid en invloed as komponis is buite verhouding tot sy klein opbrengs, maar min komponiste was meer oorspronklik en moedig in hul musiek.▼