Antonie van Leeuwenhoek: Verskil tussen weergawes

'''Antonie van Leeuwenhoek''' ([[24 Oktober]] [[1632]] – [[30 Augustus]] [[1723]]) (volle name: Thonius Philips van Leeuwenhoek) was 'n Hollandse handelaar en wetenskaplike van [[Delft]], [[Nederland]].

Antonie is bekend as die "vader van [[mikrobiologie]]". Hy was die eerste persoon wat 'n eensellige [[organisme]] gesien en beskryf het. Dit het hy gedoen deur die gebruik te maak van sy handgemaakte [[mikroskoop|mikroskope]]. Hy was ook die eerste persoon wat aantekeninge gemaak het oor [[spierweefsel]]s, [[bakterie]], [[spermsel|spermatosoa]] en [[bloed]].

Die mikroskope wat sy Nederlandese landsgenote uitgevind het, sowel as die wat [[Robert Hooke]] van [[Engeland]] gebruik het, het amal bestaan uit metaalbuise waarin [[Konvekse lens|konvekse]] lense aan elke ent gemonteer was. Hierdie instrumente, waarin een [[lens]] die beeld vergroot wat deur die ander lens gevorm word, word 'n samegestelde mikroskoop genoem. Ongelukkig kon die lense nooit akkuraat genoeg gemaak word nie, en dit het 'n uiters nadelige uitwerking gehad op die beeld wat met hulle verkry kon word. '''Van Leeuwenhoek''' het 'n manier ontdek om klein, maar baie akkurate lense met 'n hoë vergrotingsvermoë te slyp. Hy was in staat om met een enkele lens, of ''[[eenvoudige mikroskoop]]'' meer waar te neem as diegene wat met die samegestelde instrumente gewerk het. Die ''[[eenvoudige mikroskoop]]'' ken ons vandag as die gewone [[vergrootglas]].<ref>Kennis,  vol 6, 1980, bl. 1104-1105, ISBN 0 7981 0828 2</ref>

Van Leeuwenhoek het sy waarnemings en ontdekkings in die vorm van handgeskrewe briewe op skrif gestel. Die meeste van die briewe (ongeveer 350) was gerig aan die [[Royal Society]] in [[Londen]], 'n vereniging wat in [[1662]] deur 'n aantal Engelse geleerdes tot stand gebring is om kennis oor die natuur te bevorder. Van Leeuwenhoek het die briefwisseling van [[1673]] tot met sy dood vyftig jaar later volgehou. Sedert [[1680]] was van Leeuwenhoek amptelik lid van die Royal Society en is sy mededelings in die genootskap se tydskrif, ''Philosophical Transactions'', gepubliseer. Omdat Van Leeuwenhoek net Nederlands magtig was, moes sy briewe in Engels vertaal word. Hy het sy beskrywings dikwels met enkele afbeeldings geïllustreer en het ook noukeurige gegewens oor afmetings en so meer verskaf.  

Teen die einde van die [[17de eeu]], het Leeuwenhoek feitlik 'n monopolie op mikroskopiese studie en ontdekking geniet. [[Robert Hooke]], sy tydgenoot en 'n vroeë pionier in mikroskopie, was daaroor beswaard dat die veld tot so 'n mate op een man se skouers gerus het.<ref>{{cite book |authorlink=Clifford Dobell |last=Dobell |first=Clifford |year=1932 |location=New York |title=Antony van Leeuwenhoek and His "Little Animals": being some account of the father of protozoology and bacteriology and his multifarious discoveries in these disciplines |publisher=[[Harcourt (publisher)|Harcourt, Brace and Company]] |url=http://archive.org/details/antonyvanleeuwen00dobe}} pp. 52–53.</ref> Vele bekendes het oor die jare by Leeuwenhoek besoek afgelê, insluitende Russiese Tsar [[Pieter I van Rusland|Pieter die Grote]].

Tot sy gaste se teleurstelling, het Leeuwenhoek geweier om die nuutste mikroskope te vertoon waarop sy nuutste ontdekkings gerus het, en het eerder vir sy besoekers gemiddelde lense vertoon.<ref>Dobell, pp. 54–61.</ref> As 'n ervare besigheidsman, het Leeuwenhoek besef dat, indien sy eenvoudige metode om die lense te vervaardig bekend sou word, die wetenskaplike gemeenskap heelwaarskynlik sy rol in die mikroskopie sou minag of vergeet.

Hy het daarom die indruk geskep dat hy sy nagte en vrye tyd gespandeer het in die slyp van kleiner en kleiner lense, ten spyte van die feit dat hy honderde mikroskope gebou het, en die gewoonte gehad het om 'n nuwe mikroskoop te bou wanneer ookal hy 'n interessante monster gevind het wat hy wou preserveer.