Neo-Nazisme: Verskil tussen weergawes

Content deleted Content added
Sobaka (besprekings | bydraes)
Lyn 24:
Voorts het enkele Belgiese en Nederlandse Nazi's ook na Suid-Afrika geimmigreer en saam met veral oud-[[SS]] lede die kern van 'n neo-Nazi teenwoordigheid in Suid-Afrika gevorm. Daar was ook 'n aantal Duitsers wat vir 20 jaar of meer in Suid-Afrika gewoon het en geweier het om te aanvaar dat [[Adolf Hitler]] boos was. Die Nazi-beweging in Suid-Afrika het na bewering in die Duitse Klubs van die Unie en die destydse [[Suidwes-Afrika]] gefloreer, ten spyte daarvan dat die meeste lede teen Nazi-idees gekant was.<ref>''Hitlerites' refuge in South Africa'', ''Wiener Library Bulletin'' 14(2), 1960, bl. 27.</ref><ref>[[Jacques Pauw]], "Heil Hitler in Pretoria", [[Huisgenoot]], 3 September 1987, bl. 18.</ref> Sommige van die immigrante het deur die jare noue bande met regse bewegings in die land opgebou. 'n Bekende figuur was Heinrich Beissner (gebore 1913 - ?), 'n oud-[[vlieënier]] van die [[Duitse Lugmag]] gedurende die Tweede Wêreldoorlog, wat gereeld by byeenkomste van die [[Afrikanerweerstandsbeweging]] (AWB) en Boerestaat Party opgemerk was. In 1989 het die AWB-lyfblad hierdie "Diftige Herr Oberst" as een van die beweging se ywerigste werkers en Die sweepslag (AWB Nuusbrief) se grootste vriend beskou.<ref>Die sweepslag 1(4), Junie 1989, bl. 6-7.</ref><ref> Boerestaat Nuusbrief, 1990, bl. 2.</ref>
 
In die vroeë sewentigerjare was daar 'n openbare neo-Nazi-byeenkoms toe dr Karl Heusler<ref>J. Pauw. "Heil Hitler in Pretoria", Huisgenoot, 3 September 1987 verwys na ene dr. R. Heusler, maar dit is waarskynlik 'n fout.</ref>, een van die groot leiers van dié ideologie, oorlede is. Nazi-simboliek is tydens sy begrafnis vertoon waaroner 'n swastikavlag was oor sy kis gedrapeer en die [[Nazi-saluut]] is by sy graf gegee. Daar het volgens Pauw geen formele vereniging van oud-Nazi's in Suid-Afrika bestaan nie. Neo-Nazi-groepe regdeurdwarsoor die wêreld behou egter kontak met mekaar en byeenkomste van oud-Nazi's in [[München]] wasis elke jaar deur Suid-Afrikaners bygewoon.<ref> Jacques Pauw, "Heil Hitler in Pretoria", [[Huisgenoot]], 3 September 1987, bl. 18-19.</ref>
 
Na [[Rudolf Hess]] se dood het Koos Vermeulen van die Afrikaner Nasionaal-Sosialiste (ANS, ‘n wegbreekgroep vanuit die AWB) 'n groot rol in die organisering van 'n gedenkdiens vir Hess in Suid-Afrika gespeel. Hierdie diens is op 20 Augustus 1987 in die Pretoria-Wes begraafplaas gehou en was in die deel wat vir die Duitse gemeenskap opsy gesit is. Gaste is individueel oor die telefoon genooi en sowat 250 mense, sommige met swastika-lapelwapens, het opgedaag. Onder die gaste was Kays Smit en P.W. Bingle van die AWB, Johan Schabort van die Blanke Bevrydingsbeweging (BBB) , Meinhard Peters van die [[Herstigte Nasionale Party]] (HNP) en die buitelandse besoeker Thies Christophersen, 'n oud-soldaat en veral bekend vir sy boek waarin hy die [[Auschwitz]]-massamoord 'n leuen noem. Na 'n aantal toesprake, onder andere deur Schabort en Peters is kranse by die steen monument wat die gevalle Duitsers van die Tweede Wêreldoorlog herdenk, gelê. 'n Musikale tussenspel het gevolg waama twee groot swastikavlae stadig deur Vermeulen se twee kinders, geklee in die uniform van die [[Voortrekkerbeweging]], ontplooi is.<ref>A Kemp, 1990. ''Victory or violence, The story of the AWB''. bl. 78-79.</ref>