Herbert Kitchener: Verskil tussen weergawes

Hoewel hierdie strategie hom heftige kritiek op die hals gehaal het, het dit op die duur die gewenste uitwerking gehad. Op 31 Mei 1902 het Kitchener saam met lord Milner die Vrede van Vereeniging as verteenwoordiger van Brittanje onderteken. Tydens die voorafgaande vredesonderhandelings het Kitchener, tot groot ontsteltenis van Milner, heelwat simpatie met die Boereleiers getoon. Na die beëindiging van die Anglo-Boereoorlog het Kitchener 'n burggraafskap ontvang en die opperbevel van die Britse magte in Indië oorgeneem. Tussen 1911 en 1914 was hy prokonsul van Egipte en Soedan. Teen sy sin is hy gedurende die [[Eerste Wêreldoorlog]] in die Britse oorlogskabinet opgeneem as minister van oorlog. Hy het op 5 Junie 1916 gesterf toe die skip waarmee hy op 'n sending na [[Rusland]] was, ''HMS Hampshire'', deur 'n Duitse seemyn gekelder is. Ten tyde van sy dood was hy 'n veldmaarskalk met 'n graafskap.

 

Hy sluit aan by die ''Royal Engineers'' by die Militêre Akedemie, Woolwich in [[1867]]. Sy militêre loopbaan begin in erns in [[1882]] in [[Egipte]] en [[Soedan]]. In [[1886]] word hy aangestel as Goewerneur-generaal van die Oostelike Soedan en in [[1892]] as opperbevelvoerder van die Egiptiese magte. In [[1898]] behaal hy 'n oorwinning oor die Soedan.

 

 

{{DEFAULTSORT:Kitchener, Herbert}}

[[Kategorie:Britse militariste]]

[[Kategorie:Britse ministers]]

[[Kategorie:Mense in die Tweede Vryheidsoorlog]]

[[Kategorie:Geboortes in 1850]]

[[Kategorie:Sterftes in 1916]]