Giangiacomo Feltrinelli: Verskil tussen weergawes
Content deleted Content added
kNo edit summary Etiket: 2017-bronwysiging |
kNo edit summary Etiket: 2017-bronwysiging |
||
Lyn 2:
'''Giangiacomo Feltrinelli''' [dʒanˈdʒaːkomo feltriˈnɛlli] (* [[19 Junie]] [[1926]] in [[Milaan]], † [[14 Maart]] [[1972]] in Segrate naby Milaan), genoem ''Osvaldo'', was 'n invloedryke [[Italië|Italiaanse]] uitgewer en sakeman in die dekades ná die [[Tweede Wêreldoorlog]]. Hy was die stigter van die uitgewery en boekwinkelketting Feltrinelli. Die uitgewery het - drie jaar ná sy stigting in Milaan - in 1957 internasionale bekendheid verwerf met die publikasie van die wêreld se eerste uitgawe van [[Boris Pasternak]] se roman ''[[Dokter Zjiwago]]'' gepubliseer het - nadat 'n manuskrip daarvan uit die [[Sowjetunie]] gesmokkel kon word.
Feltrinelli, wat in een van die welvarendste Italiaanse families gebore is (die gebroeders Feltrinelli het in die 19de eeu 'n fortuin in die houthandelbedryf verdien), het belang in sosiale kwessies gestel en hom sowel as sosialistiese en kommunistiese politikus asook as ondergrondse aktivis in die klassestryd begewe. In 1957 het hy bande met die Kommunistiese Party van Italië verbreek. In dieselfde jaar het die eerste ''La Feltrinelli''-boekwinkel in [[Pisa]] sy deure geopen. Die ketting sou later tot die grootste in Italië groei.<ref>[http://www.primaeffe.it/news-librerie-feltrinelli/ ''primaeffe.it: Librerie Feltrinelli. Besoek op 1 Oktober 2019'']</ref>
Uit vrees vir 'n [[Neo-Fascisme|neofascistiese]] staatsgreep in Italië het Feltrinelli in 1970 'n militante aktivistegroep, die ''Gruppi di Azione Partigiana (GAP)'', in die lewe geroep. In die sogenaamde Loodtydperk (''Anni di piombo''), 'n periode van politieke onstabiliteit in Italië gedurende die laat 1970's en vroeë 1980's, was GAP naas die Rooi Brigades (''[[Brigate Rosse]]'') een van die aktiefste linkse groeperings wat geweldpleging as politieke middel goedgekeur het. Giangiacomo Feltrinelli het uiteindelik in die laat 1960's ondergeduik en is op 15 Maart 1972 naby Segrate dood aangetref, blykbaar nadat springstof, waarmee 'n hoogspanningsmas opgeblaas en 'n kragonderbreking in die metropolitaanse gebied van Milaan veroorsaak sou word, voortydig ontplof het - aldus die bevinding van die amptelike ondersoek van sy afsterwe. Gerugte, dat hy moontlik die slagoffer van 'n sluipmoord in staatsopdrag geword het, doen steeds die rondte.<ref>[https://www.sueddeutsche.de/kultur/zum-tod-des-verlegers-giangiacomo-feltrinelli-mord-im-auftrag-des-staates-1.1306423 ''Süddeutsche Zeitung, 12 Maart 2012: Zum Tod des Verlegers Giangiacomo Feltrinelli:Mord im Auftrag des Staates? Besoek op 1 Oktober 2019'']</ref>
| |||