Traktus (liturgie)

Die traktus (oftewel die cantus tractus) is die Rooms-Katolieke liturgiese solosang van 'n psalmmelodie. Dit is die misgesang wat vanaf Septuagesima-sondag (die negende Sondag voor Pase) tot Pase reg ná die trapgesang (graduaal) in die plek van die Alleluia gesing word. Dit is deel van die Proprium van die mis.

Kenmerke van die traktus sluit in:

• Dit is geskryf in die tweede (hipodoriese) of agtste (hipomiksolidiese) kerktoonsoort;
• dit word nie deur 'n responsorium of antifoon onderbreek nie; en
• dit vervang die Alleluia op boetedae en in die Vastyd.

Die traktus se oorsprong lê by die Joodse psalms. Sjabloon:Navigatie mis