|
We do as we please we are the anonymouse
[[Lêer:Brexit auf Wegweiser (47265383782).jpg|duimnael|Met die Verenigde Koninkryk het die Europese Unie een van die welvarendste lidstate en miljarde se bydraes tot die EU-begroting kwytgeraak]]
[[Lêer:UK location in the EU 2016.svg|duimnael|Ligging van die Verenigde Koninkryk binne die Europese Unie.]]
[[Lêer:Prime Minister’s letter to Donald Tusk triggering Article 50.pdf|duimnael|Brief van Theresa May wat Artikel 50 van die Lissabon-verdrag in werking stel.]]
[[Lêer:UK New Blue Passport.jpg|duimnael|Alhoewel die Verenigde Koninkryk amptelik nog lid van die Europese Unie was, is nuwe Britse paspoorte vanaf 29 Maart 2019 sonder die opskrif "European Union" uitgereik. Ironies genoeg was Engeland die enigste nasie binne die VK waar ook nommerplate met die EU-embleem uitgereik is wat nou ook verwyder gaan word. Die foto wys die nuwe blou VK-paspoorte wat vanaf 2019 uitgereik word]]
[[Lêer:Unite for Europe - 09 (33644850515).jpg|duimnael|Britte is diep verdeeld oor Brexit: Pro-Europese betoger in Londen in 2017]]
[[Lêer:Brexit June-2016 0003 (27932932556).jpg|duimnael|Pro-Europese betoging in Londen]]
[[Lêer:Boatleave - 12 (27620664311).jpg|duimnael|Pro-Brexit-betoging in Londen. Die EU se visserybeleid asook internasionale ooreenkomste, wat toegang tot Britse visgronde vir onder meer die Spaanse en Franse visseryvlote verseker, lok sterk kritiek uit]]
'''Brexit''' is 'n sogenaamde kofferwoord wat uit die samevoeging van '''''British''''' en '''''exit''''' gevorm is om na die [[Verenigde Koninkryk]] se onttrekking uit die [[Europese Unie]] en die politieke proses, wat daaraan verbonde is, te verwys. Na aanleiding van 'n konsultatiewe referendum, wat op 23 Junie 2016 gehou is en waarin 51,9 persent van die uitgebragte stemme ten gunste van 'n onttrekking was, het die Britse eerste minister [[Theresa May]] op 29 Maart 2017 met 'n formele brief, wat aan die president van die Europese Raad, [[Donald Tusk]], gerig is, Artikel 50 van die Verdrag oor die Europese Unie (dikwels [[Verdrag van Lissabon|Lissabon-verdrag]] genoem) in werking gestel.<ref>[https://www.theguardian.com/politics/2017/mar/29/theresa-may-triggers-article-50-with-warning-of-consequences-for-uk ''The Guardian, 29 Maart 2017: Brexit will have consequences for UK, says Theresa May as article 50 triggered. Besoek op 29 Maart 2017'']</ref> Dié artikel reël die onderhandelingsproses tussen die Europese Unie en 'n lidstaat wat hom uit dié organisasie wil onttrek en maak voorsiening vir 'n onderhandelingstydperk van twee jaar.
Volgens die ''Oxford Dictionary'', wat ''Brexit'' as trefwoord in die derde uitgawe van sy gesaghebbende aanlyn-woordeboek lys, is die term vir die eerste keer op 15 Mei 2012 deur Peter Wilding in blog-bydrae vir ''EurActiv'' gebruik.<ref>[https://www.euractiv.com/section/uk-europe/news/oxford-english-dictionary-the-man-who-coined-brexit/ ''euractiv.com: Oxford English Dictionary: The man who coined ‘Brexit’ first appeared on EurActiv blog. Besoek op 10 Januarie 2017'']</ref> Vyf maande later het dit in 'n artikel van die invloedryke [[Verenigde State|Amerikaanse]] [[koerant|dagblad]] ''Christian Science Monitor'' voorgekom.
Die Verenigde Koninkryk het oorspronklik in 1973 by die Europese Ekonomiese Gemeenskap (EEG), die voorloper van die Europese Unie, aangesluit. Sy lidmaatskap in dié organisasie is in 1975 in 'n referendum met 67 persent van die uitgebragte stemme bevestig. Historiese meningspeilings, wat tussen 1973 en 2015 gepubliseer is, het getoon dat 'n meerderheid van Britse kiesers in dié tydperk nog ten gunste van 'n voortgesette lidmaatskap van die EEG, die Europese Gemeenskap of die Europese Unie was.
In die 1970's en 1980's het enkele lede van die Britse Arbeidersparty en van vakbonde hulle ten gunste van 'n onttrekking uit die EEG uitgespreek. Vanaf die 1990's was dit hoofsaaklik sommige konserwatiewe politici asook lede van die nuutgestigte ''[[Verenigde Koninkryk Onafhanklikheidsparty|UK Independence Party (UKIP)]]'' wat krities teenoor die VK se EU-lidmaatskap gestaan het.
== Lidstaat met "opt-outs" (uitsonderings) ==
| 