Kuba: Verskil tussen weergawes

'''Kuba''' ([[Spaans]]: ''Cuba'', [ˈkuβa]), amptelik die '''Republiek Kuba''' ([[Spaans]]: ''República de Cuba'', [re'puβlika ðe ˈkuβa]), is 'n [[eilandnasie]] in die [[Amerikas]] en bestaan uit Kubaeiland, die grootste van die [[Groot Antille]], die Isla de la Juventud en 'n aantal kleiner nabygeleë eilandjies. Kuba is in die noordelike deel van die [[Karibiese gebied]] geleë naby die samekoms van die [[Karibiese See]], die [[Golf van Meksiko]] en die [[Atlantiese Oseaan]]. Kuba is suid van die [[Verenigde State van Amerika|Verenigde State]] en die [[Bahamas]], wes van die [[Turks- en Caicoseilande]] en [[Haïti]] en oos van [[Meksiko]] waarvan dit deur die [[Straat van Yucatán]] geskei word. Die [[Kaaimanseilande]] en [[Jamaika]] is suid van Kuba geleë.

 

Kuba is die land met die grootste bevolking in die [[Karibiese Eilande]]. Die land se kultuur en gebruike is afkomstig uit verskeie bronne insluitend die oorspronklike Taíno en Ciboney bewoners, die [[Spanje|Spaanse]] koloniale tydperk, slawe uit [[Afrika]] en die nabygeleë Verenigde State. Die eiland het 'n tropiese klimaat wat as gevolg van die omliggende see redelik matig is. Die warm water van die Karibiese See en die eiland se ligging voor die Golf van Meksiko maak Kuba kwesbaar tot gereelde [[orkaan|orkane]].