Frans Hals: Verskil tussen weergawes

'''Frans Hals''' (1581/85–1666) was een van die belangrikste skilders in die Noordelike [[Nederlande]] gedurende die [[Goue Eeu]]. Hy het veral beroemd geword vir sy portrette wat hy van ryk burgers geskilder het. Hy het in 'n swierige, los tegniek geskilder en sy werke het 'n realistiese, lewendige indruk gewek wat nooit stereotiep, styl of monotoon was nie. Frans Hals is tussen 1581 en 1585 in [[Antwerpen]] gebore. Na die Spanjaarde die stad in 1585 ingeneem het, het sy ouers na die Noordelike Nederlande getrek.

 

[[Lêer:Cavalier soldier Hals-1624x.jpg|duimnael|links|Frans Hals se ''De lachende cavalier'', 1624]]

Hulle het hulle in [[Haarlem, Nederland|Haarlem]] gevestig waar Hals sy hele lewe lank gewoon het. Omstreeks 1 September 1666 is hy in die [[Sint Bavokerk]] in Haarlem begrawe. Van Hals se vroeëre werke en sy opleiding is nie veel bekend nie. In die 17de eeu is wel vermeld dat hy ’n student was van die [[Vlaamse]] skilder wat na Haarlem uitgewyk het, [[Karel van Mander]] (1548–1606), maar sy invloed is nie in Hals se werk merkbaar nie. Die vroegste skildery van Hals waarvan ons weet, dateer uit 1611.