[[Lêer:Creación de Adám.jpg|duimnael|250px|'n Kunstenaarsvoorstelling van die Skepping.]]
'''Kreasionisme''' of '''skeppingsleer''' (afgelei van die [[Latyn]]se ''creatio'' "skepping") is 'n religieuse geloof<ref> ''Evolution Vs. Creationism'', Eugenie Scott, Niles Eldredge, p. 114</ref> in die feit dat die [[Mensdommensdom]], die [[lewe]], die [[Aarde]] en die [[heelal]] deur [[God]] (die Skepper), geskep is. Die term word egter meer gereeld gebruik om te verwys na die religieuse verwerping van [[evolusie]], ten gunste van 'n interpretering van die skeppingverslag in die [[Bybel]] as 'n verduideliking wat die geskiedenis, diversiteit en ingewikkeldheid van lewe op aarde verklaar. Hierdie teenstryd staan as die [[kreasionisme-ewolusie-omstredenheid]] bekend.<ref name=NCSEcreationism>{{cite web |url=http://ncse.com/creationism |title=NCSE : National Center for Science Education - Defending the Teaching of Evolution in Public Schools. |date= 2008 |work=Creationism |publisher= |accessdate=2009-06-22}}</ref> In [[Christendom|Christelike]] kringe word kreasionisme gewoonlik op 'n letterlike interpretering van die skeppingsverhaal in die eerste boek van die [[Bybel]], [[Genesis]], gebaseer.<ref name=TopicIndex>{{cite web |url=http://www.counterbalance.net/history/intro-frame.html |title=Creationism History: Topic Index |author=Ronald L. Numbers |authorlink=Ronald L. Numbers |publisher=Counterbalance Meta-Library |accessdate=2009-06-22}}</ref> Kreasionisme word sterk aan die Christelike religie gekoppel, alhoewel ander religieë ook Skepper-geleide skeppingsverhale het, maar wat tot variërende mates van die Christelike weergawe verskil.
