Golfstroom: Verskil tussen weergawes

Die '''Golfstroom''' is 'n snelvloeiende seestroom in die [[Atlantiese Oseaan]]. Dit maak deel uit van die seestrominge dwarsoor die wêreld. Op pad na [[Europa]] word die Golfstroom uiteindelik die Noord-Atlantiese seestroom, wat op sy beurt weer deel van die Westelike randstrome uitmaak wat die klimaat van Noord-Europa beïnvloed.

Die Golfstroom lewer sowat 30 miljoen kubieke meter water per sekonde (30 Sv) by die Floridastroom, vloei teen 'n stroomsnelheid van 1,8 meter per sekonde, tot hoogstens 150 miljoen kubieke meter water (150 Sv) op die [[lengtegraad]] 55° Wes.<ref>{{cite web |author=Joanna Gyory, Arthur J. Mariano, Edward H. Ryan |title=Surface Ocean Currents: The Gulf Stream|url=http://oceancurrents.rsmas.miami.edu/atlantic/gulf-stream.html |publisher=Cooperative Institute for Marine and Atmospheric Studies der University of Miami|language=Engels|accessdate=2010-07-23}}</ref> Dit is altesaam meer as 'n honderd maal soveel water as wat al die riviere dwarsoor die [[wêreld]] in die see stort. Die vloeisterkte se vermoë is 1,5 petawatt; wat selfs die opwekking van 'n miljoen van die grootste kernkragstasies sal oortref.<ref name="Australian">{{cite web |title=Lecture 26: Oceans |publisher=Boston University |url=http://www.bu.edu/core/cc105/lectures08/L24-Oceans-6up.pdf |date=2009-01-06 |accessdate=2010-12-31 }}</ref>

Die benaming Golfstroom is deur [[Benjamin Franklin]] bedink ('Gulf Stream') en het betrekking op die [[Golf van Mexiko]]. Dit is vroeër ook die Floridaseestroom genoem; op die ou kaarte uit die 16de en 17de eeu is die Straat van Florida die ''Canal de Bahama'' genoem.