Berlynse Muur: Verskil tussen weergawes

Die '''Berlynse Muur''' ([[Duits]]: <span lang="de">''Berliner Mauer''</span>), waarna in die [[Duitse Demokratiese Republiek]] (DDR) ook as "versterkte staatsgrens" (''befestigte Staatsgrenze'') of – op 'n propagandistiese manier – as "anti-fascistiese beskermingsmuur" (''antifaschistischer Schutzwall'') verwys is, was 'n spermuur wat tydens die verdeling van [[Duitsland]] meer as 28 jaar lank deel uitgemaak het van die interne grens tussen die DDR (Oos-Duitsland) en die Bondsrepubliek Duitsland ([[Wes-Duitsland]]). Dit het [[Berlyn]] van 1961 tot 1989 in twee verdeel.<ref name="Chicago Tribune 1">{{Cite web|url=http://www.chicagotribune.com/news/opinion/commentary/ct-myths-berlin-wall-fall-reagan-east-west-perspec-1102-20141031-story.html#page=1|title=Untangling 5 myths about the Berlin Wall|work=Chicago Tribune|date=31 Oktober 2014|accessdate=1 November 2014|subscription=yes}}</ref> Dit was tegelykertyd een van die bekendste simbole vir die politieke konflik ([[Koue Oorlog]]) tussen die Westelike Geallieerdes (onder leiding van die [[Verenigde State]]) en die Oosbloklande (onder leiding van die [[Sowjetunie]]).

 

 

Vanaf 13 Augustus 1961, die dag waarop met die konstruksie van die muur begin is, tot 9 November 1989 het die Berlynse Muur binne die Vier-sektore-stad Berlyn [[Wes-Berlyn]] totaal op land langs van [[Oos-Berlyn]] en daarnaas – oor 'n totale lengte van 167,8 kilometer – ook van die DDR-staatsgebied rondom Berlyn afgesonder. Vir DDR-burgers was die oortreding van die grens verbode, en DDR-grenssoldate het die bevel gekry om op vlugtelinge te skiet. Volgens die bevindinge van navorsers het die Oos-Duitse grensbeleid tussen 136 en 206 menselewens geëis – meestal vlugtelinge wat gepoog het om die swaar bewaakte grens na Wes-Berlyn, wat deur 'n myngordel en outomatiese vuurwapens versterk is, oor te steek. Die presiese aantal slagoffers langs die Berlynse Muur is nie bekend nie.