Cessna 208 Caravan

Die Cessna 208 Caravan is 'n veeldoelige vliegtuig wat deur Cessna vervaardig word. Hulle het die projek op 20 November 1981 aangekondig en die prototipe het sy nooiensvlug op 9 Desember 1982 voltooi. Die Federal Aviation Administration het die produksie model in Oktober 1984 gesertifiseer. Die Cargomaster vrag variant was ontwikkel vir FedEx. Die Super Cargomaster 208B het in 1986 begin vlieg en daaruit is die passasiersvliegtuig, die 208B Grand Caravan, ontwikkel. Daar word na die vliegtuig verwys as 'n bosvliegtuig.