Brasiliaanse nasionale rugbyspan

Die Brasiliaanse nasionale rugbyspan met die bynaam Tupi’s word deur die Brasiliaanse Rugbykonfederasie ((pt) Confederação Brasiliera de Rugby) beheer. Brasilië is een van die stigterslede van CONSUR, nou bekend as Súdamerica Rugby, en het aan die inougurele Suid-Amerikaanse toernooi in 1951 deelgeneem. Brasilië het nog nie vir ’n Rugbywêreldbeker gekwalifiseer nie maar het in 2016 aan die seweskompetisie tydens die Olimpiese Spele deelgeneem. Brasilië is tans die derde beste span in Suid-Amerika (na Argentinië en Uruguay, en vyfde in die Amerikas.

Brasilië
Unie		Brasiliaanse Rugbykonfederasie
Bynaam(e)		Tupi’s
Embleem		Tupí-hoofman
Stigting		1972
Stadion		Pacaembu-stadion, São Paulo
Kapasiteit		40 199
President		Eduardo Mufarej
Afrigter(s)		Rodolfo Ambrosio
Kaptein(s)		Felipe Sancery
Spankleure		Alt. kleure
Statistiek
Meeste drieë		Felipe Sancery (11)
Eerste internasionale wedstryd
Uruguay 8–6 Brasilië (9 September 1950)
Grootste oorwinning
Costa Rica 0–95 Brasilië (10 Oktober 2006)
Grootste nederlaag
Argentinië 114–3 Brasilië (10 Oktober 1992) Argentinië 111–0 Brasilië (5 Mei 2012)
Wêreldbeker
Verskynings		0 (Eerste in Nooit)
Beste uitslag		NVT
Amptelike webwerf
www.brazilrugby.com.br

Rugby in Brasilië het ’n lang geskiedenis wat na die laat 19de eeu terugdateer toe Britse immigrante die spel na die stedelike hawens van Brasilië geneem het. Ten spyte van Brasilië se sukses met sokker, was die land nog altyd een van die swakker spanne in die Amerikas met veel minder om op te roem as die spanne van Argentinië, Uruguay en Chili.

In die 21ste eeu is pogings aangewend om die sport in Brasilië te laat opleef. Brasilië is met die toevoeging van sewesrugby tot die Olimpiese kalender genooi om aan die Wêreldrugby Sewesreeks deel te neem met goeie vordering in die mans- en damesreekse. In 2016 het ’n vergadering tussen die unies van Argentinië, Brasilië, Kanada, Chili, Amerika en Uruguay die Amerikas Rugbykampioenskap begin as ’n kompetisie soortgelyk aan die Sesnasies-toernooi en Die Rugbykampioenskap om sodoende gereelde toetsrugby aan die topspanne van die streek te bied. Na drie taai wedstryde waarvan Brasilië twee byna gewen het, het hulle die Amerikaanse Arende met 24–23 gewen vir hulle eerste oorwinning in die toernooi, ’n eerste oorwinning oor die VSA én ’n eerste oorwinning oor ’n Vlak 2-span. Daarna het Brasilië die spanne van België en Portugal geklop vir hulle eerste oorwinning oor Europese spanne; hulle het boonop ook ’n eerste historiese oorwinning oor ’n Argentynse XV behaal. Die oorwinning oor die Argentynse span, saam met oorwinnings oor Chili en Colombia het in 2018 aan Brasilië hulle eerste titel in die Suid-Amerikaanse Rugbykampioenskap besorg.

Gedurende 2015-2017 het die beheerliggaam vir rugby in Brasilië (CBRu) ’n prys ontvang vir die beste bestuur van alle plaaslike sportbestuursliggame.

Geskiedenis

Beginjare (19de eeu tot 1949)

Die eerste rugbywedstryd in Brasilië is in die laat-19de eeu gespeel. Britse immigrante wat na Brasilië gekom het, het die spel na verskeie van die hawestede gebring. Hierdie immigrante het verskeie atletiekklubs opgerig wat ook as sokkerklubs gedien het. Die eerste opgetekende rugbywedstryd in Brasilië is in 1891 onder toesig van Charles William Miller deur die São Paulo Atletiekklub gespeel. Hierna het Augusto Shaw pogings aangewend om die sport verder uit te brei nadat Miller hom eksklusief op sokker toegespits het.

Gedurende die 1920’s en ’30’s het rugby in Brasilië begin floreer, maar dit het nie dieselfde blootstelling as sokker geniet nie. Rugby was grotendeels beperk tot diegene wat van Britse afkoms was of wat een of ander ander verbintenis met Brittanje gehad het. In 1926 is ’n plaaslike toernooi begin. Teen 1932 is ’n nasionale span gekies en Brasilië het sy eerste internasionale wedstryd teen ’n Suid-Afrikaanse XV gespeel; die telling is nie bekend nie. Die sport het ’n terugslag ervaar die ’n poging om die as ’n nasionale sport erken te kry geweier is omdat rugby tot vier deelstate beperk is, waar die vereiste deelname in vyf deelstate was. Die Tweede Wêreldoorlog het tussen 1941 en 1946, soos in talle ander lande, die sport bedwing.

Uniforms

Die span van Brasilië het tradisioneel ’n geel bostuk en groen broek gedra met ’n groen bostuk en wit broek vir wegwestryde. Die huidige verskaffer van die span se klere is Topper. In 2015 is die span se broekkleur na blou verander om ooreen te stem met die land se sokkerspan. Dit het ’n aanbieding waarby die Tupistam betrek is, ingesluit (waar die span se bynaam vandaan kom). Die huidige truiborg van Brasilië is Banco Bradesco.

Bynaam

Die Brasiliaanse nasionale rugbyspan is vir ’n geruime tyd lank nie-amptelik verbind met Walt Disney se karakter José Carioca. Die CBRu, toe dit nog as Associação Brasileira de Rugby oftewel ABR bekend was, het later die Amasonereusewaterlelie as amptelike embleem en bynaam aanvaar. Hierdie bynaam het egter nie aanklank by ondersteuners gevind nie.

In Maart 2012 het CBRu Os Tupis as Brasilië se nasionale rugbyspan se amptelike bynaam aangekondig. Dit is ’n verwysing na die Tupistam, die grootste etniese groep van inheemse Brasiliane. Die keuse vir die embleem het in 2010 begin toe die CBRu e-posse met voorstelle begin ontvang het. Die drie finaliste was Tupi’s, Sucuri’s (anakondas) en Araras (aras). Ondersteuners het op die internet gestem met 47% van die stemme (4 387 stemme) wat aan Tupi’s gegaan het. Volgens Sami Arap, president van die CBRu tussen 2012 en 2016 het “die keuse die wortels van die Brasiliaanse nasie bekragtig. Tupi verteenwoordig die wese van ons land en verwys na ons krag, deursettingsvermoë, lojaliteit en spangees.”

Toernooirekords

Rugbywêreldbeker

Wêreldbekerrekord									Wêreldbekerkwalifiseringrekord
Jaar	Ronde	S	W	G	V	Pte V	Pte T		S	W	G	V	PV	PT
1987	Nie genooi								—
1991	Nie ingeskryf								Nie ingeskryf
1995
1999	Nie gekwalifiseer								1	0	0	1	0	41
2003									6	4	0	2	140	84
2007									5	3	0	2	179	108
2011									8	6	0	2	230	190
2015									5	1	0	4	85	164
2019									6	2	1	3	160	139
Totaal	0/9								31	16	1	14	794	726

Amerikas Rugbykampioenskap

Die Amerikas Rugbykampioenskap is in vyf van die sewe jaar tussen 2009 en 2015 gehou maar Brasilië het nie hieraan deelgeneem nie. Saam met Chili het Brasilië sedert 2016 aan ’n uitgebreide toernooi tussen ses lande deelgeneem. In Brasilië se eerste jaar van deelname het hulle, as 42ste gekeur die 16de gekeurde Amerika met 24–23 geklop in hulle eerste oorwinning oor dié land.

Toernooi	Rekord	Pte Versk	Posisie	Seges
2016	1–4	−68	5de	Amerika (24–23)
2017	2–3	−116	4de	Chili (17–3); Kanada (24–23)
2018	1–4	−96	5de	Chili (16–14)
2019	2–3	−65	4de	Chili (15–10); Kanada (18–10)

Suid-Amerikaanse Kampioenskap

Toernooi	Gasheer	Rekord	Pte Versk	Posisie	Seges	Gelykop	Verliese
2009	Uruguay	1–2	−129	4de	Paraguay (36–21)	–	Uruguay (3–71), Chili (3–79)
2010	Chili	1–2	−34	4de	Paraguay (23–18)	–	Uruguay (10–26), Chili (8–31)
2011	Argentinië	1–2	−3	4de	Paraguay (51–14)	–	Uruguay (18–39), Chili (6–25)
2012	Chili	0–3	−136	4de	–	–	Uruguay (15–27), Chili (6–19), Argentinië (0–111)
2013	Uruguay	0–3	−150	4de	–	–	Chili (22–38), Uruguay (7–58), Argentinië (0–83)
2014	(vier lande)	1–2	−24	3de	Chili (24–16)	–	Paraguay (24–31), Uruguay (9–34)
2015	(vier lande)	0–3	−77	4de	–	–	Uruguay (9–48), Chili (3–32), Paraguay (11–17)
2016	(vier lande)	1–1–1	−11	3de	Paraguay (32–21)	Chili (20–20)	Uruguay (14–36)
2017	(vier lande)	1–2	+32	3rd	Paraguay (57–6)	–	Uruguay (27–41), Chili (10–15)
2018	(Sesnasies)	3–0	+81	1st	Chili (28–12), Argentynse XV (36-33), Colombia (67-5)	–	–

Algehele rekord

Brasilië se toetsrekord teen alle lande: (Korrek op 16 Maart 2018)

Opponent	Gespeel	Gewen	Verloor	Gelykop	% Gewen	Punte vir	Punte teen	Punteverskil
Argentinië	14	0	14	0	0	54	1096	–1042
Argentynse XV	3	1	2	0	33,33	51	140	–89
België	1	1	0	0	100	23	19	+4
Chili	27	4	21	2	14,81	324	870	–546
Colombia	9	9	0	9	100	439	34	+405
Costa Rica	1	1	0	0	100	95	0	+95
Duitsland	5	0	5	0	0	51	157	–106
Frankryk A	2	0	2	0	0	13	140	–127
Georgiese XV	1	1	0	0	100	20	18	+2
Hongkong	1	0	1	0	0	3	37	–34
Kanada	4	2	2	0	50	72	130	–58
Kenia	2	0	2	0	0	42	45	–3
Māori All Blacks	1	0	1	0	0	3	35	–32
Meksiko	2	2	0	0	100	126	19	+107
Oxford en Cambridge	2	0	2	0	0	13	102	–89
Paraguay	24	13	11	0	54,17	509	467	+42
Peru	9	9	0	0	100	404	58	+346
Portugal	3	1	2	0	33,33	42	110	–68
Roemenië	2	0	2	0	0	26	78	–52
Spanje	2	0	2	0	0	24	89	–65
Trinidad en Tobago	5	4	1	0	80	75	71	+4
Uruguay	27	3	24	0	11,11	276	933	–657
Verenigde Arabiese Emirate	1	1	0	0	100	66	3	+63
Verenigde State	4	1	3	0	25	71	150	–79
Venezuela	9	8	1	0	88,89	258	95	+163
Totaal	156	59	95	2	37,82	2997	4791	-1794

Mediadekking

Voor 2016 is die meeste van Brasilië se wedstryde op SporTV, ’n betaalnetwerk, uitgesaai. In 2016 is veranderinge aan Brasilië se uitsaaiwese aangebring wat daartoe gelei het dat RedeTV wedstryde van die Suid-Amerikaanse Rugbykampioenskap uitsaai terwyl ESPN Brazil die regte het om die Amerikas Rugbykampioenskap uit te saai.

Eksterne skakels

• (pt) Confederação Brasileira de Rugby – Amptelike werf
• (pt) Portal do Rugby – Brasiliaanse rugbynuus
• (pt) RugbyMania.com.br Brasiliaanse kyk op Rugbynuus
• (pt) RugbySpirit.com.br Inligting oor Brasiliaanse Rugby