Brasiliaanse nasionale rugbyspan: Verskil tussen weergawes

Content deleted Content added
Nuwe bladsy geskep met '{{Inligtingskas Rugbyspan | land = Brasilië | beeld = Brasiliaanse Rugbykonfederasie.svg | unie = Brasiliaanse Rugby...'
 
No edit summary
Lyn 56:
== Geskiedenis ==
=== Beginjare (19de eeu tot 1949) ===
Die eerste rugbywedstryd in Brasilië is in die laat-19de eeu gespeel. Britse immigrante wat na Brasilië gekom het, het die spel na verskeie van die hawestede gebring. Hierdie immigrante het verskeie atletiekklubs opgerig wat ook as [[sokker]]klubs gedien het.<ref>Edições Leia, 1950.</ref> Die eerste opgetekende rugbywedstryd in Brasilië is in 1891 onder toesig van [[Charles William Miller]] deur die São Paulo Atletiekklub (SPAC) gespeel. Hierna het Augusto Shaw pogings aangewend om die sport verder uit te brei nadat Miller hom eksklusief op sokker toegespits het.<ref name="bath">{{en}} Bath, Richard (ed.). ''The Complete Book of Rugby''. p. 64. Seven Oaks Ltd, 1997. {{ISBN|9781862000131}}.</ref>
 
Gedurende die 1920’s en ’30’s het rugby in Brasilië begin floreer, maar dit het nie dieselfde blootstelling as sokker geniet nie. Rugby was grotendeels beperk tot diegene wat van Britse afkoms was of wat een of ander ander verbintenis met Brittanje gehad het. In 1926 is ’n plaaslike toernooi begin.<ref name="Niteroi">[http://www.niteroirugby.com.br/rugby/joomla/index.php?option=com_content&view=category&layout=blog&id=22&Itemid=64 Niterói Rugby] {{Webarchive |url=https://web.archive.org/web/20110824025509/http://www.niteroirugby.com.br/rugby/joomla/index.php?option=com_content&view=category&layout=blog&id=22&Itemid=64 |date=2011-08-24 }} Geskiedenis van Brasiliaanse Rugby. Besoek op 8/2/2012.</ref> Teen 1932 is ’n nasionale span gekies en Brasilië het sy eerste internasionale wedstryd teen ’n [[Springbokke|Suid-Afrikaanse XV]] gespeel; die telling is nie bekend nie. Die sport het ’n terugslag ervaar die ’n poging om die as ’n nasionale sport erken te kry geweier is omdat rugby tot vier deelstate beperk is, waar die vereiste deelname in vyf deelstate was.<ref name="bath" /> Die [[Tweede Wêreldoorlog]] het tussen 1941 en 1946, soos in talle ander lande, die sport bedwing.
 
=== 1950’s tot 1990’s ===
Brasilië het aan die heel eerste Suid-Amerikaanse Rugbykampioenskap in 1951 deelgeneem, maar al drie hul wedstryde verloor met onderskeidelik 68–0 teen Chili en 72–0 teen Argentinië en ’n 10–17 verlies teen Uruguay. Rugby is gedurende die 1950’s sporadies in Brasilië georganiseer; daar was geen amptelike bestuursliggaam nie en die nasionale span is slegs deur Jimme Macintyre, wat die SPAC bestuur het, saamgeroep. Brasilië sou eers weer in 1961 ’n toets speel. Die hedendaagse CBRu is in 1963 gestig om die spel in Brasilië meer effektief te bestuur. Die eerste president van die CBRu was Harry Donovan.<ref name="Portal">{{pt}} {{cite web |title=Geskiedenis van Rugby |language=Portugees |url=http://www.portaldorugby.com.br/entenda-o-rugby/historia-do-rugby |website=Portal do Rugby |accessdate=4 Mei 2016}}</ref> In 1964 het Brasilië tweede geëindig in die Suid-Amerikaanse Rugbykampioenskap met ’n gelykopuitslag teen Chili (16–16) en ’n sege teen Uruguay (15–8).
 
In die 1970’s het die verbeterde struktuur die spel aan Brasiliane buite die Brits-afgestamde gemeenskap begin bekendstel. Brasilië het ’n effense oplewing in rugby beleef; die spel is by universiteit regdeur die land begin speel en Brasilië het ’n bestemming vir rugbytoere geword. In 1974 het Brasilië in ’n toets teen [[Franse nasionale rugbyspan|Frankryk]] gespeel en met 7–99 verloor.<ref name="Portal" /> Vir die res van die dekade het Brasilië teen sy Suid-Amerikaanse bure gespeel en dikwels teen Paraguay gewen.
 
In 1985 het Frankryk weer deur Brasilië getoer maar teen ’n meer gedugte Brasiliaanse span te staan gekom. Die wedstryd het met ’n telling van 6–41 in die guns van Frankryk geëindig. Brasilië is ’n stigtingslid van CONSUR (nou Súdamerica Rugby) wat in 1989 gestig is. Ten spyte hiervan het Brasilië eers in 1995 amptelik by die Internasionale Rugbyraad aangesluit en gevolglik tot op daardie punt aan geen kwalifiserende toernooie deelgeneem nie. Hulle eerste kragmeting in ’n kwalifiserende wedstryd het egter rampspoedig afgeloop deurdat die span met 41–0 teen [[Trinidad en Tobago se nasionale rugbyspan|Trinidad en Tobago]] verloor het. Die het hulle veldtog tot ’n abrupte einde gebring.
 
=== 2000’s – Die Nuwe Eeu ===
Brasilië het die 2000’s met meer sukses afgeskop. In 2000 het Brasilië die Suid-Amerikaanse Rugbykampioenskap met gemak gewen, en die sukses in 2001 herhaal in die toernooi teen Colombia, Peru en Venezuela. Brasilië het na die volgende kwalifiseringsronde deurgedring en Trinidad en Tobago maklik afgeskud; hoewel Brasilië hulle laaste wedstryde verloor het, het hulle eindelik begin om die gaping te begin verklein. Regdeur die 2000’s het Brasilië meer van sy wedstryde begin wen en in 2008 het die span eindelik deurgebreek; Brasilië het Paraguay geklop om vir die eerste maal sedert 1989 na die boonste vlak van die Suid-Amerikaanse Rugbykampioenskap te vorder. Brasilië het dieselfde in 2009 vermag.
 
In 2012 het die New York Times berig dat rugby die tweede vinnigste groeiende sportsoort in Brasilië was, na gemengde vegkuns. Dit is deels te danke aan [[Wêreldrugby]] wat weer in Brasilië belê het as gevolg van die herinstelling van (sewes)rugby by die Olimpiese spele in 2016.<ref name="NYTimes">{{en}} {{cite news |last1=Stoney |first1=Emma |title=Sokkermal Brasilië meet vatbaar vir rugby |url=https://www.nytimes.com/2012/10/06/sports/rugby/06iht-rugby06.html?_r=3& |accessdate=4 Mei 2016 |agency=New York Times |date=5 Oktober 2012}}</ref> Sedertdien is Brasilië genooi om aan die [[Wêreldrugby Sewesreeks]] deel te neem, waar die span teen sterker kompetisie kon meeding.
 
In 2014 het Brasilië sy heel eerste oorwinning oor Chili behaal en die Condores met 24–16 geklop. Sedert inisiatiewe in 2009 verskerp is, het die aard van rugby in Brasilië verander; heelwat meer spelers het begin registreer en die sport het suksesvolle borgskappe met maatskappye soos [[Bradesco]], wat meen dat Brasiliaanse rugby in die toekoms winsgewend kan wees, aangegaan.<ref>{{en}} {{cite news |last1=Panja |first1=Tariq |title=Brasilië Sokkerdebakel Gee Hupstoot Aan Rugby Voor Terugkeer Van Olimpiese Spele |url=https://www.bloomberg.com/news/articles/2015-01-08/brazil-soccer-debacle-boosts-rugby-before-olympic-return |accessdate=4 Mei 2016|agency=Bloomberg |date=7 Januarie 2015}}</ref>
 
In 2015 het Brasilië in twee toetse teen [[Duitse nasionale rugbyspan|Duitsland]] gespeel, waarvan een wedstryd in die [[Pacaembu-stadion]] gespeel is. 10&nbsp;000 toeskouers het hierdie wedstryde gekyk wat van die hoogste toeskouertal vir rugby in Brasilië is. Brasilië se verbetering het in 2016 getoon tydens die eerste weergawe van die Amerikas Rugbykampioenskap waar Brasilië op die randjie van historiese oorwinnings oor Chili en Uruguay gekom het, maar die nie kon deurvoer nie. Nadat Brasilië 25 punte in hul eerste ontmoeting teen Kanada aangeteken het, het die span met 24–23 teen die Verenigde State in Pacaembu gewen; Brasilië het egter in die eindstryd met 7–41 teen Argentinië verloor maar in die proses hul eerste drie in dekades teen Argentinië gedruk.
 
Vir die 2016-seisoen van die Suid-Amerikaanse Rugbykamipoenskap “A” het RedeTV!, een van Brasilië se groot televisienetwerke Brasilië se wedstryde regstreeks uitgesaai. Brasilië het op [[Allianz Parque]] in [[São Paulo]], een van die grootste stadions om ’n rugbywedstryd in Brasilië aan te bied, teen Uruguay gespeel. Brasilië het ook met 20–20 teen Chili gelykop gespeel wat op hul verbetering in Suid-Amerikaanse rugby gedui het. Om die toernooi af te sluit het hulle met 32–21 teen Paraguay gewen en in die derde plek agter Chili geëindig op ’n punteverskil.
 
In 2017 het Brasilië nogmaals verbeter deur Chili oortuigend met 17–3 in die Amerikas Rugbykampioenskap te klop voor hulle hul eerste oorwinning oor [[Kanadese nasionale rugbyspan|Kanada]] in Pacaembu behaal het met ’n telling van 24–23. Na hierdie oorwinnings het Brasilië die 30ste plek op die Wêreldrugbyranglys behaal; die eerste maal sedert 2009 toe die lys ingestel is. Op 18 November 2017 het Brasilië vir die eerste maal oorwinning op Europese grondgebied gesmaak toe hulle [[Belgiese nasionale rugbyspan|België]] en [[Portugese nasionale rugbyspan|Portugal]] geklop het, wat duit op die span se vordering in die 2010’s. Brasilië het later ook vir die eerste maal teen Chili in Chili gewen, en in 2018 se omskepte Suid-Amerikaanse Rugbykampioenskap het hulle teen Argentinië XV geseëvier, wat hulle eerste oorwinning oor ’n Argentynse span was. Brasilië het daarna ook teen Colombia gewen en het vir die eerste maal die titel van Suid-Amerikaanse kampioen gedra.
 
== Uniforms ==