Aandelemakelaars het hulle eie terminologie wat gebruik word tydens verhandelings. So is 'n "tickey snatcher" iemand wat 'n klomp aandele koop, maar dit verkoop sodra daar die geringste styging in die prys is. 'n "Stag" is 'n baie versigtige koper wat probeer om aandele te bekom nog voordat 'n maatskappy genoteer is. Sommige van die terme het intussen só alledaags geword dat hulle in die spreektaal opgeneem is: "bulmark" verwys na 'n stygende mark met bygaande mark-optimisme, terwyl die teenoorgestelde 'n "beermark" is. Die belangrikste beurs is die effek tebeursaandelebeurs, waar die verhandeling van effekte of aandele plaasvind. Dié beurs is alleenlik vir lede toegank lik. Dit beteken egter nie dat die publiek nie ook beursaandele kan bekom nie. Enigeen bo 21 jaar kan deur 'n makelaar aandele koop. 'n Makelaar is 'n persoon wat op die beurs geregistreer is en wat koop- en verkooptransaksies namens homself en ander mense mag aangaan.
Aandele word vir die eerste keer gelys op die aandelebeurs en aan die publiek aangebied deur 'n "IPO", of [https://af.unitinal.com/ipo-aanvanklike-openbare-aanbod-definisie/ aanvanklike openbare aanbod].
Die belangrikste effektebeurse in die wêreld is dié in Londen, Frankfort, Amsterdam, Parys, Brussel, Milaan, Zürich, die '''New''' York Stock Exchange (Wall Street) en die Johannesburgse Effektebeurs in Suid-Afrika.
