Oeralgebergte: Verskil tussen weergawes

Die Oeral het in die Sowjetunie tot een van die mees geïndustrialiseerde gebiede ontwikkel. 'n Nuwe nywerheidstad, Magnitogorsk, is tydens [[Josef Stalin]] se bewind vanaf 1929 in 'n rekordtyd nuut beplan en gebou.

Ná die [[Operasie Barbarossa|Duitse inval in 1941]] het 'n nuwe fase in die Oeral se ekonomiese ontsluiting begin met die grootskaalse verskuiwing van meer as 1&nbsp;300 nywerheidsaanlegte en honderdduisende mense uit die weste van Rusland en uit [[Oekraïne]] na die westelike voetheuwels van die Oeralgebergte. Die gebied met die grootste staal- en wapenbedryf ter wêreld was buite die bereik van die Duitse leër en lugmag, en binnekort kon die Sowjetunie se industriële kapasiteite verdriedubbel word. Die Oeral het die [[Rooi Leër]] van sowat veertig persent van sy militêre uitrusting voorsien. Geskiedkundiges beskou [[Josef Stalin]] se besluit om nywerheidsaanlegte na die Oeralreeks te verskuif dan ook as een van die beslissende faktore wat bygedra tot die Sowjet-Russiese oorwinning in die oorlog teen [[Nazi-Duitsland]].<ref>Insight Guides: ''Russia''. Vierde uitgawe 2016. Insight Guides / APA Publications 2016, bl. 244</ref>