Theo Gerdener: Verskil tussen weergawes

| sterfteplek = [[Pretoria]]

In 1970 stel die eerste minister, mnr. [[B.J. Vorster]], hom aan as minister van binnelandse sake. Hy het geglo Suid-Afrika maak sy isolasie in die wêreld weens sy politieke beleid veel groter as wat nodig is en dat vinniger vordering gemaak moes word sodat alle volksgroepe in Suid-Afrika volle menswaardigheid en burgerregte kon kry, hoewel die identiteitsgevoel van elke bevolkingsgroep sterk onderstreep moet word. Dus tree hy uit die [[Tweede kabinet van John Vorster|kabinet]] in die tweede helfte van 1972 ná 'n aantal botsings op kabinetsittings,<ref>[http://rulers.org/safrgov.html Lys van Suid-Afrikaanse kabinetsministers]</ref> nadat hy nie sy kollegas tot sy gedagterigting kon oorhaal nie. Aan die einde van daardie jaar verlaat hy ook die Nasionale Party. Sy dogter Marlien Wessels het ná sy dood gesê haar pa se "verligte en visioenêre politieke siening (was) nie welkom in die destydse (N)asionale regering nie en hy (is) verplig om te bedank"<ref>[http://www.netwerk24.com/nuus/2013-11-22-gerdener-rolmodel-van-hoe-mens-moet-leef?redirect_from=dieburger ''Gerdener 'rolmodel van hoe mens moet leef' ''], Netwerk24.com, gepubliseer in ''Beeld'' op Vrydag [[22 November]] [[2013]]. URL besoek op 11 November 2014</ref>

Ses maande voor die [[Suid-Afrikaanse algemene verkiesing van 1974|algemene verkiesing van 1974]] stig hy egter op [[16 November]] [[19721973]] die [[Demokratiese Party (1973)|Demokratiese Party]] in 'n sysaaltjie van die [[Johannesburg]]se stadsaal. Minder as 200 belangstellendes het die stigtingsvergadering bygewoon.<ref>Pakendorf, Harald, in ''Perspektief op ons partypolitiek en politieke partye''. 1976. Potchefstroom: Instituut vir Suid-Afrikaanse Politiek, [[Potchefstroomse Universiteit vir C.H.O.]]</ref> Onder die persoonlikhede aan die hooftafel was J.T. Biebuyck, gewese Natalse direkteur van onderwys, Winchester Gould, gewese [[Rhodesië|Rhodesiese]] parlementslid en Albert Preston, gewese Britse parlementslid. Die party het die integrasie van die bruin en Indiese groepe met die blankes, maar afsonderlike ontwikkeling vir swartes, voorgestaan.

Gerdener het sir [[De Villiers Graaff]] se veldtog om 'n opposisieparty met 'n breër basis te stig, gesteun en uiteindelik met die V.P. in die [[Nuwe Republiek Party]] saamgesmelt op [[29 Junie]] [[1977]]. Gerdener bedank egter kort voor die verkiesing van [[30 November]] [[1977]], hoofsaaklik as gevolg van 'n meningsverskil oor die N.R.P. se kandidaat in [[Hillbrow (kiesafdeling)|Hillbrow]].